MATIUS 10:28 - Alkitab Singog In Mongondow Masa In Tanaa

²⁸ Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 10:28 ပူးပေါင်းရင်းမြစ်များ

DATU MITA 2 17:39

Duduiaidon in Akuoi, ki Tuhan Allahmu, dá poḷuaton-Kudon in moiko nongkon musung mita monimu.”

AYUB 37:24

Tuamai in patusbí in Sia horomaton i inekabí, bo intau inta mongaku moarip, diábí pinandung-Neamai.”

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MOHOHUTUBA 5:7

Dika moherang aka mokoontong kon pongawasa mondorot kon intau bogá, mogagow kon hak monia bo diá mopoaid kon inta moadil kon i monia. Batúan in pogawai ḷukadanbí in itoinea bo taya dua in iḷukadanbí in pojabat inta kon ḻimonikanmai monia.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

MATIUS 10:26

“Manangka intua donaaidon moiko moondok kon i monia. Sin diábí in tobatúmai inta noiḻingkop, in diá bukatan, bo diábí doman in tobatúmai inta noibuni in diá popotaau.

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

YOHANES 5:29

bo ḷumuai nongkon poḷoḷobongan. Intau inta nogaid kon mopia in mobangon bo mobiag. Táe intau inta nogaid kon moraat in mobangon sin hukumon.”

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

IBRANI 10:31

Totokdon mokoondok aka kon bonudon in kawasa i Allah inta nobiag!

IBRANI 11:35

Popisí in oyúon in pirisaya monia, dá bobay mita in noyodungkuḷ bui in intau mita monia inta ain minatoi, sin mosia in biniagdon bui. Oyúon doman inta norelabí in iroriga nodapot in minatoi, bo doíbí pobebason popisí in moibog bui biagon bo mokouḻí kon kobiagan inta totok in mopira.

YAKOBUS 4:12

Bokaka tongábí tobatú in kokawasa mobogoi in hukum kon intau bo mohakim kon intau. Sia tuata in ki Allah inta kokawasa moposaḷamat bo momutú. Dá, ki ine in moiko nion, sahingga in moiko moibog mopotaḷá kon tumpaḷa intau?

PETRUS 1 3:14

Táe umpaka mokorasa kon roriga lantaran mogaid kon soaḷ mita inta mopia, táe mountungbí in moiko! Manangka intua donaaibí moondok kon i inekabí bo donaai doman umuran moḻia-ḻiaw in gina.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.