MATIUS 10:27 - Alkitab Singog In Mongondow Masa In Tanaa

²⁷ Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

MATIUS 10:27 ပူးပေါင်းရင်းမြစ်များ

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

MATIUS 24:17

Intau inta kon tampat pobobarasanangan donaaidon bui moponag bo mogamá kon pakakat mita kon bonu in baḷoinea.

LUKAS 12:3

Manangka intua onu inta siningog monimu doḷom yo kodongoganbí kon wakutu in mobayagdon; bo onu inta pinogombong monimu sinbá diá dongogon in bayongan intau, tua in pobaḷúbí kon bayongan intau.”

LUKAS 8:10

Dá ki Yesus in notubag, “Moiko aindon inogoian in totabi monotaau kon inta noibuni kon naonda in ki Allah momarenta saḷaku Datu. Táe intau mita ibanea pinopoyaputan táe tongá nomaké in poumpamaan, sinbá umpakabí in mosia monarukiramai, táe diá kotaauan monia onu in mobaḻí; bo umpakabí mosia mokidongog, táe diá komangaḻean monia.”

YOHANES 16:1

Tua komintan in potaau-Ku kon i monimu sinbá diá mobaḷui in pirisaya monimu.

YOHANES 16:13

Táe aka Roho tatua mamangoi, ki Inta moponiata in kobobanar soaḷ ki Allah, yo diaan-Neabí in moiko bo tundúon monotaau kon bayongan kobobanar tatua. Sin Sia in diábí mosingog podudui in ibog-Nea tontaní, táe mogumanbí kon onu in dinongog-Nea, bo poguman-Neabí kon inimu onu in mobaḻí kon singgai moiduduimai.

YOHANES 16:25

“Naa komintan in poguman-Ku kon i monimu takin momaké in oandaian. Táe moiangoibí in wakutunea, Akuoi in diádon momaké in oandaian, táe poguman-Ku bidon taran-tarangan kon i monimu in soaḷ ki Amá.

YOHANES 16:29

Bo murí-Nea mita in noguman kon i Yesus, “Indoiaika dá tanaa ki Tuhan taran-tarangandon diádon nomaké in oandaian,

OUMAN IN RASUL MITA 17:17

Tuamai wakutu in kon baḷoi pososambayangan, sia in umuran mososiritaanmai takin in bayongan intau Yahudi bo intau mita ibanea kon tua inta ain nopirisaya kon i Allah. Ná doman tua, pomuḷoi in singgai aka moyodungkuḷ in intau mita kon pasar mita, yo sia in umuran doman mososiritaanmai monia.

OUMAN IN RASUL MITA 5:20

“bayádon sindog kon Baḷoi Tuhan bo popotaaudon kon bayongan intau in soaḷ kobiagan inta mobagu naa.”

OUMAN IN RASUL MITA 5:28

Kainia, “Aindon ilarang totok nami in moiko sinbá diádon mayá bo mopotaa-taau mako in tangoi intau tatua. Táe tanaa indoiaika, onu in inaidan monimu! Moiko in minaya-mayábí doman mako bo nopohabar in soaḷ intau tatua kon bayongan butá in Yerusalem bo moguman doman kon kamibí naa in nokopopisí kon kinopatoian-Nea.”

KORINTUS 2 3:12

Lantaran natua in harapan nami, dá mobarani in kami mosingog kon natua.