MATIUS 10:26 - Alkitab Singog In Mongondow Masa In Tanaa

²⁶ “Manangka intua donaaidon moiko moondok kon i monia. Sin diábí in tobatúmai inta noiḻingkop, in diá bukatan, bo diábí doman in tobatúmai inta noibuni in diá popotaau.

MATIUS 10:26 ပူးပေါင်းရင်းမြစ်များ

AMSAL 10:9

Intau motuḻid, moaman in kobiagannea; intau inta monguboḷ in kotaauanbí.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

MOHOHUTUBA 12:14

Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YEREMIA 1:8

Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MARKUS 4:22

Diábí in moibuni in diá koontongan; bo diábí doman in noibuni in diá kotaauan.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

LUKAS 8:17

Diábí in tobatúmai noibuni in diá popoontong; bo diábí in tobatúmai in binuni in diá kotaauan bo diá popotaa-taau mako.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

OUMAN IN RASUL MITA 4:19

Táe ki Petrus bo ki Yohanes in noguman kon i monia nanaa, “Raidon monimu kopia mongo onda in mopia-pia kon tayowon i Allah: Dumudui kon parenta monimu mongo dumudui kon parenta i Allah.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

PETRUS 1 3:14

Táe umpaka mokorasa kon roriga lantaran mogaid kon soaḷ mita inta mopia, táe mountungbí in moiko! Manangka intua donaaibí moondok kon i inekabí bo donaai doman umuran moḻia-ḻiaw in gina.