MATIUS 10:25 - Alkitab Singog In Mongondow Masa In Tanaa

²⁵ Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”

MATIUS 10:25 ပူးပေါင်းရင်းမြစ်များ

DATU MITA 2 1:2

Kon singgai tobatú ki Datu Ahazia nongkon Israel noḷabú nongkon dangkuḷon kon ḷundukan in komaḻignea kon Samaria, nodapot in sia kinekeban nodaḷom. Dá nopotabá in sia in intau sin moḻibó kon i Baal-Zebub, dewa in kotá in Ekron kon Pilistin, degá mopiapa in sia mongo diádon.

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 12:27

Aka Akuoi bo moguntun kon dimukud moraat momaké in kawasa i Beelzebul. Yo aka natua kawasa i ine in pinaké in dumoduduimu mita moguntun kon dimukud mita moraat. Bá kotaauanmudon, mosiadon tua in moponiata kon noitaḷádon in moiko!

MATIUS 9:34

Táe intau mita in Parisi in noguman, “Tongguḷubí in dimukud mita moraat in nobogoi in kawasa kon i-Nia moguntun kon dimukud mita moraat.”

MARKUS 10:39

Dá kai nayadua doman, “Mokosanggup”. Dá ki Yesus in noguman bui kon i monia, “Memang moiko i monginumbí nongkon palo in roriga inta inumon-Ku, bo tumuotbí doman kon roriga inta moiantug kon i-Nakó.

MARKUS 3:22

Mototundú mita kon agama Yahudi inta namangoi nongkon Yerusalem noguman, “Kinotoḷangan i Beelzebul in Sia! Itoi in dimukud mita moraat tatua in nobogoi in kawasa kon i-Nia moguntun kon dimukud moraat.”

LUKAS 11:15

tongá oyúon in kon sigad monia tua in noguman, “Sia tua in noguntun kon dimukud moraat nomaké in kawasa i Beelzebul, inta itoi in dimukud moraat mita.”

LUKAS 11:18

Natua doman in kon dodatuan in Ibilis; aka kolompó tobatú bo moropatoi in kolompó doman tobatú, yo dodatuan tatua in morumbunbí. Moiko in noguman kon Akuoi in noguntun kon dimukud moraat takin nomaké in kawasa i Beelzebul.

LUKAS 11:19

Aka natua, yo kawasa i ine in pinaké in dumoduduimu mita noguntun kon dimukud moraat tatua? Dumoduduimu bidon tontaní in noguman kon noitaḷá in moiko!

YOHANES 10:20

Nobayong in noguman, “Kinotoḷangan in dimbuḷó in Sia! Sia in nobundai! Nongonu sin indongoganbí monimu in Sia?”

YOHANES 7:20

Intau moantó kon tua in notubag: “Nobundai Iko! Ki inebí in moibog moḻimod kon ini-Mu?”

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’