MATIUS 10:2 - Alkitab Singog In Mongondow Masa In Tanaa

² Naa in tangoi monia mopuḷú bodoyowá tua: Ki Simon (inta dinonoi ki Petrus) bo ki Andreas ki utatnea, ki Yakobus ki adí i Zebedeus bo ki Yohanes ki utatnea.

MATIUS 10:2 ပူးပေါင်းရင်းမြစ်များ

MATIUS 17:1

Onom nosinggai noiduduimai kon tua, ki Yesus nodia kon i Petrus, kon i Yakobus bo kon i Yohanes ki utatnea, mosia noyotakin notakod kon buḷud. Tongábí mosia in kon tua.

MATIUS 20:20

Bo ki iná in adí mita i Zebedeus takin ki adínea mita tua namangoi kon i Yesus, bo sinumungkud kon tayowon-Nea sin oyúon poigumon monia kon i-Nia.

MATIUS 26:37

Bo dinia-Nea in ki Petrus bo ki adí i Zebedeus doyowa noyotakin-Nea. Bo mulaidon morobonoḷ in dodob-Nea bo moondok.

MATIUS 4:18

Kon tungkuḷ in ki Yesus minayá nongin bingkí in Danow Galilea, Sia in nokoontong kon intau taya dua mogutat, ki Simon (inta dinonoi ki Petrus) bo ki Andreas ki utatnea. Tua in tangoi monia. Mosia in koyogot mobukayad kon landará kon danow sin tuabí in oaidan monia, modomok kon toyá.

MATIUS 4:21

Bo naonda i minayá nongkon tua, ki Yesus bui nokoontong kon intau taya dua doman mogutat, ki Yakobus ki adí i Zebedeus bo ki Yohanes ki utatnea, mosia koyota-yotakin i amá monia ki Zebedeus. Mosia yogot monoinutmai kon landará kon bonu uangga. Mosia inoiní i Yesus,

MARKUS 1:29

Naonda iḷumuai mako nongkon baḷoi pososambayangan tatua, ki Yesus takin i Yakobus bo i Yohanes minayá in baḷoi i Simon bo i Andreas.

MARKUS 13:3

Noiduduimai kon tua ki Yesus minayá in Buḷud in Zaitun bo iḻimitú kon tampat inta noyogintayow in Baḷoi Tuhan. Ki Petrus, ki Yakobus, ki Yohanes bo ki Andreas namangoi kon i-Nia sin nongonguman takin-Nea.

MARKUS 6:30

Rasul mita inta pinotabá i Yesus in nobuidon mangoi, mosia in noyotakindon bui i Yesus. Bo inouman monia kon i Yesus in bayongan inta inaidan bo sinundú monia.

LUKAS 11:49

Tuamai hikmat i Allah in noguman nanaa, ‘Akuoi mopotabá in nabi mita bo rasul mamangoi kon i monimu; ibanea in ḻimodon bo ibanea doman in pogutúon!’

LUKAS 22:14

Naonda in wakutuneadon mongaan, ki Yesus in iḻimitú noyotakin in murí-Nea mita kon meja pongaanan.

LUKAS 22:8

Dá ki Yesus in nopotabá kon i Petrus bo kon i Yohanes, “Bayádon bo posadiadon kon pongaanan naton kon singgai moḷoben Paska.”

LUKAS 5:10

Natua doman in yobayatnea, ki Yakobus bo ki Yohanes inta ki Adí mita i Zebedeus. Dá ki Yesus in noguman kon i Simon, “Dika moondok, sin nongkon tanaa mako, iko in baḻíon-Kudon mololandará kon intau.”

LUKAS 9:10

Bo naonda in rasuḷ mita inta pinotabá i Yesus nobuidon mangoi, inouman monia kon i Yesus in onu inta ain pinomia monia. Dá dinia i Yesus in mosia minayá sinumontaní kon tobatú kotá, tangoinea kotá in Betsaida. Tongá ki Yesus bo murí-Nea mita in kon tua.

YOHANES 12:22

Dá binayá i Pilipus pinotaau kon i Andreas in soaḷ tatua, bo onda intua taya duadon in minayá kon i Yesus bo nopotaau.

YOHANES 13:23

Murí inta totok kinotabi Yesus iḻimitú kon diugmai i Yesus

YOHANES 20:2

Dá noribatuk in sia bo minayá notayak kon i Simon Petrus bo kon murí inta kinotabi totok i Yesus, bo noguman, “Ki Tuhan in ginamádon in intau nongkon poḷoḷobongan. Diá kinotaauanku mongo sinagú monia kon onda.”

YOHANES 21:2

Kon singgai tobatú, ki Simon Petrus, ki Tomas inta donoionmai “Apang”. ki Natanael inta nongkon Kana kon Galilea, ki adí mita i Zebedeus, bo murí doman mita i Yesus taya dua in namangoi noyosipun.

YOHANES 21:20

Wakutu in ki Petrus nobobui, sia in nokoontong kon tumineamai in murí inta totok in kinotabi i Yesus. (Sia tua inta iḻimitú kon diug i Yesus kon wakutu in nongaan bo sia doman inta noḻibó kon i Yesus, “Ki ine in moposarakan kon i-Nia?”)

YOHANES 21:24

Murí tatuata inta nobogoi in kosakusian kon soaḷ mita inta ain nobaḻí tanaa. Sia domandon tatua inta ain nomais kon naa. Bo kinotaauanbí naton kon onu in pinogumannea tatua in totuubí.

YOHANES 6:67

Bo ki Yesus noḻibó kon murí-Nea inta mopuḷú bodoyowá tatua, “Yo degá moiko in monaḷá domanmai kon i-Nakó?”

YOHANES 6:70

Ki Yesus in notubag: “Kinotaauan bidon monimu kon Akuoibí in nomiḻí kon i monimu mopuḷú bodoyowá naa? Tongá tobatú kon sigad monimu nion in kinawasa in Ibilis!”

YOHANES 6:71

Ki Yudas ki adí i Simon Iskariot i makusud i Yesus tatua. Sin ki Yudasbí tuata in moposarakan kon i Yesus, umpaka sia in murí doman i Yesus inta kon sigad in murí-Nea mopuḷú bodoyowá.

YOHANES 6:8

Murí i Yesus tobatú inta ki Andreas ki utat i Simon Petrus noguman kon i Yesus,

OUMAN IN RASUL MITA 1:13

Kon Yerusalem in mosia minayá in baḷoi inta pinogutunan monia. Mosia namonik in yuang inta pinongaanan monia wakutu in Singgai Moḷoben Paska. Naa in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adí i Alpeus, ki Simon intau in Zelot bo ki Yudas adí i Yakobus;

OUMAN IN RASUL MITA 1:26

Onda intua mosia nopogonik in undi, bo ki Matias in kinopiḻían. Dá sia in binaḻí rasul pinodugang kon rasul inta mopuḷú bo mita tua.

OUMAN IN RASUL MITA 12:2

Sia in nomarenta nokiratá kon i Yakobus inta ki utat i Yohanes

OUMAN IN RASUL MITA 3:1

Kon singgai tobatú wakutu in orasdon posambayangan sin aindon jam nogintoḷu ḷoḷabungnea, ki Petrus bo ki Yohanes in minayá sinumuot kon Baḷoi Tuhan.

KORINTUS 1 15:7

Sia in nokipogontong doman kon i Yakobus bo kon bayongan rasul-Nea.

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

PETRUS 1 1:1

Utatku mita umat inta piniḻí i Allah, inta noibaya-bayá mako kon butá in Pontus, Galatia, Kapadokia, Asia bo Bitinia! Akuoi, ki Petrus, rasul i Yesus Kristus in mopoigum mako sinbá ki Allah mobogoi in barakat bo kobiagan motompia kon i monimu. Moiko in piniḻí nobaḻí umat i Allah podudui in tomayá i Allah, Amá naton. Roho i Allah nopobaḻídon kon i monimu umat inta mokudus, inta mobiag bo tongá mosumba kon i Allah, sinbá moiko in tongá motoindudui kon i Yesus Kristus bo potusion in dugú-Nea.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

YOHANES 2 1:1

Kon i Iná inta ain piniḻí i Allah bo kon i adínea mita inta kinotabiku. Surat tanaa in nongkon inakó, tobatú itoi in jamaat inta totu-totuu motabi kon i monimu. Deemanbí tongá akuoi in motabi kon i monimu, táe bayonganbí doman intau inta totu-totuudon nonotaau kon i Allah.

YOHANES 3 1:1

Ki utatku ki Gayus inta kinotabiku! Akuoi, tobatú itoi in jamaat inta totu-totuu motabi kon inimu,

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 22:8

Bo akuoi, ki Yohanes, ain nokodongog bo nokoontong kon bayongan in tanaa. Naonda in akuoi nokodongog bo nokoontong kon tua, akuoi in sinumungkud kon tayowon malaekat inta ain nopoontong in bayongan tua kon inakó, makusudku in mosumba kon inia,