MATIUS 10:18 - Alkitab Singog In Mongondow Masa In Tanaa

¹⁸ Moiko in diaan kon tayow in pongawasa mita bo datu mita popisí moiko in dumodudui-Ku. Bo tuata in kasampatanmu mobogoi in kosakusian soaḷ Akuoi kon i monia bo kon intau mita inta diá nonotaau kon i Allah.

MATIUS 10:18 ပူးပေါင်းရင်းမြစ်များ

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

MATIUS 10:17

Táe mokopoingat, sin oyúon in moposarakan kon i monimu kon itoi mita in agama. Bo sikisaan monia in moiko kon baḷoi pososambayangan.

MATIUS 10:19

Táe aka moiko diaan sin adilon, yo donaaidon mohawatir bo momikir kon onu in singogon monimu kon tayowon monia. Sin komintan tua, in ogoi bidon kon i monimu aka wakutuneadon.

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

MARKUS 13:9

Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 11:7

Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.