MATIUS 10:17 - Alkitab Singog In Mongondow Masa In Tanaa

¹⁷ Táe mokopoingat, sin oyúon in moposarakan kon i monimu kon itoi mita in agama. Bo sikisaan monia in moiko kon baḷoi pososambayangan.

MATIUS 10:17 ပူးပေါင်းရင်းမြစ်များ

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

MATIUS 10:18

Moiko in diaan kon tayow in pongawasa mita bo datu mita popisí moiko in dumodudui-Ku. Bo tuata in kasampatanmu mobogoi in kosakusian soaḷ Akuoi kon i monia bo kon intau mita inta diá nonotaau kon i Allah.

MATIUS 20:19

moiduduimai kon tua mosia moposarakan kon i-Nia kon intau mita inta diá nonotaau kon i Allah. Sinbá poyambáan monia in Sia, rorigaan, bodongka popopakú kon kayu pinoyotaḻempang. Táe kon singgai intoḷunea biagondon bui in Sia.”

MATIUS 23:34

Sin tuamai indongogai kopira: Akuoi in nopotabá mangoi kon i monimu in nabi mita, intau mita inta mongobijaksana, bo intau mita inta motundú kon inta kinoibog i Tuhan. Ibanea in ḻimodon monimu, ibanea in popopakú monimu kon kayu pinoyotaḻempang bo ibanea in pogutúon monimu nongkon kotá tobatú modapot in kotá ibanea.

MATIUS 26:59

Imang mita itoi bo bayongan in Sidang Agama moḷongasi motayak kon taḷá-Nea, sinbá baḻíon dodoyonan pohukuman kon i-Nia modapot in matoi.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MARKUS 13:12

Kon dodai intua intau moposarakanbí kon i utatnea tontaní sin ḻimodon, natua doman aidan in tobatú guyanga ḷoḷaki kon i adínea. Adí mita moḷawangdon kon i amá bo kon i inánea, bo moposarakan kon i monia sin pokiḻimod.

MARKUS 13:9

Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

LUKAS 12:11

Aka moiko bo diaan kon baḷoi mita pososambayangan sin sidangon kon tayowon pomarenta andeka kon tayowon in mongongawasa, yo dikabí in moiko mohawatir in momikir kon onu in potubagmu.

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

OUMAN IN RASUL MITA 17:14

Dá ḷagidon in utat mita kon Berea tua inatod in ki Paulus kon pintad, táe ki Silas bo ki Timotius in tantúpabí nogutun kon kotá tatua.

OUMAN IN RASUL MITA 22:19

Dá akuoi in noguman, ‘Tuhan, kinotaauan bidon monia totok kon akuoibí naa in inta tumuot magí mako kon baḷoi mita pososambayangan bo modomok kon intau mita inta mopirisaya kon ini-Mu bo poḷat pobonu kon ponjara.

OUMAN IN RASUL MITA 26:11

Moantó in pinogutúku in mosia kon baḷoi mita pososambayangan, pakisaanku sinbá diádon mopirisaya in mosia kon i Yesus. Totokbí moyaat in ginaku kon i monia tungkuḷ intua, noidapot in aḷowanku in mosia kon ḻipu-ḻipúannea.”

OUMAN IN RASUL MITA 9:2

bo noigum kon surat kawasa kon inia sin diaannea kon majelis mita in Yahudi inta kon Damsyik, sinbá aka sia in mokodungkuḷ kon intau mita kon tua inta mopirisaya kon i Tuhan Yesus, yo sia in motaau modomok kon i monia bo diaan pobayá in Yerusalem.

PILIPI 3:2

Mokopoingatdon kon i monia inta umuran mogaid kon inta diá mopia, mosia inta motaaudon tangoion ‘ungkú’. Mosia inta umuran momakisa kon bá sunatondon mita in bayongan intau.

TIMOTIUS 2 4:15

Iko tontaní in musti mokopoingat totok kon inia, sin sia in totokdon in momayow kon habar inta pinoyaput naton.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.