MATIUS 10:10 - Alkitab Singog In Mongondow Masa In Tanaa

¹⁰ Donaai in moiko mobaḷun kon binayáan, donaaidon modia kon ḷambung doyowa no par, aip in sioḷ andeka tungkud, sin intau inta mogaid patusbí motarima kon boḻi in pinogaidannea.

MATIUS 10:10 ပူးပေါင်းရင်းမြစ်များ

PINOGIAPAN 18:31

Ki agatnea tua in motaaubí in kaanon monimu kon ondakabí moyotakin in tombonu in baḷoimu, nobaḻí toguḷopí in pinogaidanmu kon Ḷoḷaigan i Tuhan.

MATIUS 10:11

Bo aka moiko mayá in tobatú kotá andeka ḻipú, yo potayak muna kon intau inta moibog motarima kon i monimu. Pogutundon kon tua modapot in moiko mobui.

MARKUS 6:8

Naa in koyownea kon i monia, “Donaai modia kon onu bo onu in kon bonu in bobayáanmu, koḻikud in tungkud. Donaai modia kon baḷun andeka botutu in sumbangan ande doit.

LUKAS 3:11

Ki Yohanes in notubag, “Aka ki ine in koḷambung doyowa, yo musti in sia mobogoi in ḷambung tobatú kon intau inta diá koḷambung; ná doman tua, aka ki ine in oyúon in kaanon, yo ogoiaibí in intau inta diá kokaanon.”

LUKAS 9:3

Naa in koyow-Nea kon i monia, “Donaaibí modia kon onu bo onu in kon binayáan. Dika doman modia kon tungkud andeka baḷun, kaanon andeka doit, andeka ḷambung pomaḷuian.

TIMOTIUS 2 4:13

Aka iko in mamangoi yo diápa in mantelku inta sinaḷáanku kon baḷoi i Karpus kon Troas, poyodiapa doman in buk mita, muna-munamai in buk mita inta pinomia nongkon karatas kuḻit.

SAMUEL 1 17:40

Onda intua nogamá in sia kon tungkud inta pakéonneamai moḷukad kon dombanea, bo nomiḻí kon ḻima nougat in batu inta noḻimbung kon ongkag, bo binonunea kon popojinea. Takin kokada-kadai in katipol, minayá in sia nokipodungkuḷ kon i Goliat.

SAMUEL 1 9:7

Guman i Saul, “Aka mayá in kita mokipodungkuḷ kon inia yo onu in ogoi naton kon inia? Tongkaaḷ inta dinia naton nodaitdon, bo diádon in motaau ogoi naton kon mogogundoi i Allah tatua!”