MARKUS 7:2 - Alkitab Singog In Mongondow Masa In Tanaa

² Mosia in nokoontong kon tongonumai in murí i Yesus in nongaan táe diá muna nonomok, ná inta kon atorang in agama.

MARKUS 7:2 ပူးပေါင်းရင်းမြစ်များ

MATIUS 15:2

“Nongonu sin murí-Mu mita in diábí dinumudui kon adat in mogoguyang naton? Mosia in diábí nonomok muna kon dodai in nongaan!”

MARKUS 7:5

Manangka intua intau mita in Parisi bo mototundú mita kon agama in Yahudi noḻibó kon i Yesus, “Nongonu sin murí-Mu mita nongaan táe diá muna nonomok? Nongonu sin diábí in mosia dumudui kon adat in mogoguyang naton?”

LUKAS 11:38

Táe intau in Parisi tatua nongoherang in nokoontong kon i Yesus nongaan táe diá muna nonomok ná atorang in agama.

OUMAN IN RASUL MITA 10:28

Bo sia in noguman kon i monia, “Utat mita, kinotaauan bidon monimu kon ilarangbí in agama Yahudi in mamangoi mokipodungkuḷ andeka moyobayat in intau mita ibanea. Táe aindon pinoguman i Allah kon inakó kon diábí in motaau monganggap kon ibanea tua in najis andeka haram.

OUMAN IN RASUL MITA 11:8

Táe akuoi in notubag, ‘Doíbí in akuoi, Tuhan! Sin diápabí kon dodai in onda akuoi in nokaan kon mahaḷuk inta haram bo nonajis.’

SURAT I PAULUS KON JAMAAT RUM 14:14

Popisí in akuoi bo notobatúdon i Tuhan Yesus, dá mopirisayabí totok in akuoi kon diábí in tobatúmai monajis. Soaḷ tatua najis podudui intau tobatú, aka tua inanggapnea najis.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.