MARKUS 5:2 - Alkitab Singog In Mongondow Masa In Tanaa

² Natua in ponag i Yesus kon uangga, Sia inangoian in tobatú ḷoḷaki inta nongkon angob mita poḷoḷobongan.

MARKUS 5:2 ပူးပေါင်းရင်းမြစ်များ

YESAYA 65:4

Kon tungkuḷ in doḷom mosia in mayá in angob mita bo poḷoḷobongan sin mopoigum in tonggina mita in dimukud mita. Mosia in mokaan kon tapú in boké bo monginum kon tubig mita in ponoyá inta poton.

MARKUS 1:23

Kon wakutu intua kon bonu in baḷoi pososambayangan tatua oyúon tobatú intau inta kinotoḷangan in dimukud moraat. Intau tatua in nomaḷú,

MARKUS 1:26

Dá totokdon in ginugur in dimukud moraat in intau tatua, onda intua takin karak iḷumuaidon in dimukud moraat tatua nongkon intau tatua.

MARKUS 3:30

Ki Yesus in noguman natua sin oyúon in intau in noguman kon Sia in kinotoḷangan in dimukud moraat.)

MARKUS 3:9

Mobayong totok in intau, manangka intua ki Yesus nokitayak in uangga kon murí-Nea mita, sinbá diá kogupitan monia in Sia.

MARKUS 4:1

Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

MARKUS 4:36

Dá ki Yesus sinumakoidon kon uangga takin murí-Nea mita bo nonaḷámaidon kon intau mobayong kon bingkí in Danow. Uangga mita ibanea kon tua doman. Onda intua ki Yesus bo murí-Nea mita iḷumeagdon.

MARKUS 5:21

Ki Yesus minayá bui kon ḷoḷan in danow. Kon bingkí in danow tatua nobarong totok in intau in namangoi noyoḻipung kon ḻibumai Yesus.

MARKUS 5:3

Intau tatua kinawasa in dimukud moraat bodongka tantú mogutun kon poḷoḷobongan mita. Sia in diádon kotogotan, umpakabí rante uatoi.

MARKUS 5:8

Intau tatua in noguman natua sin ki Yesus noguman kon inia, “Ei dimukud moraat, ḷuaidon iko nongkon intau tanaa!”)

MARKUS 7:25

Tobatú guyanga bobay, inta ki adínea bobay kinotoḷangan in dimukud moraat, ain nokodongog kon soaḷ ki Yesus tua. Sia in namangoi sinumungkud kon tayowon i Yesus,

LUKAS 8:27

Naonda in ki Yesus noponag kon toba, Sia inangoi in tobatú intau inta nongkon kotá tatua. Intau tatua kinotoḷangan in dimukud moraat. Noonggotdon in sia in diá nogiḷambungmai bo diádon doman nogutun kon baḷoinea. Sia nogutun bidon kon angob mita inta poḷoḷobongan kon intau minatoi.

LUKAS 9:42

Kon wakutu in adí tatua nopobayá kon i Yesus, dimukud moraat tatua nopobanting kon inia poḷat sinorondónea in awak in adí tatua. Táe totok in sinorúan i Yesus in dimukud moraat tatua bo pinoki ḷuaian-Nea nongkon adí tatua dá nopiadon in adí tatua bo poḷatdon pinosarakan kon i amánea.