MARKUS 4:9 - Alkitab Singog In Mongondow Masa In Tanaa

⁹ Nopaḷut mako nongonguman kon poumpamaan tatua ki Yesus noguman, “Aka kobongoḷan, yo indongogai!”

MARKUS 4:9 ပူးပေါင်းရင်းမြစ်များ

MATIUS 11:15

Aka oyúon in bongoḷan, yo pokidongog.

MATIUS 13:9

“Aka kobongoḷan, yo indongogai!”

MATIUS 15:10

Bo ki Yesus nogoiní kon intau moantó tatua bo noguman kon i monia, “Indongogai bo tagú kon bonu in gina!

MARKUS 4:10

Naonda in ki Yesus noitontaní, intau mita inta nokidongog kon totundú-Nea namangoi kon i-Nia noyotakin in murí-Nea mita mopuḷú bodoyowá tua. Mosia in nopoigum sinbá ki Yesus moginsilang kon mangaḻe in poumpamaan tatua.

MARKUS 4:3

“Indongogaidon! Oyúon in mogogambor iḷumuai sin mogambor.

MARKUS 4:8

Táe oyúon doman bibit in noḷabú kon butá inta mopia. Bibit tatua nobiag, bo nobaḻí noḷoben bodongka nomungai, oyúon kotoḷu nopuḷú noguntuḷ in kobayongnea, oyúon in koonom nopuḷú noguntuḷ bo oyúon doman in kogatut noguntuḷ in kobayongnea.”

MARKUS 7:16

Dá aka kobongoḷan yo pokidongog.]”

LUKAS 8:18

Manangka intua yo tarukiraai kopira onu inta ain dinongog monimu. Sin aka ki ine in oyúondon, yo kon inia tua in dugangan doman bui; táe ki ine in diápa, yo onu in oyúonpa kon inia gamáan domandon nongkon inia.”

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 3:13

Ki ine in mokodongog, yo tarukira onu in pinoguman in Roho i Allah kon jamaat mita!”

WAHYU 3:22

Ki ine in mokodongog, yo tarukira in onu inta pinoguman in Roho i Allah kon jamaat mita!”

WAHYU 3:6

Ki ine i mokodongog, yo tarukira onu in pinoguman in Roho i Allah kon jamaat mita!”