MARKUS 4:4 - Alkitab Singog In Mongondow Masa In Tanaa

⁴ Wakutu in sia nogambor oyúon bibit in noḷabú kon daḷan. Bo noiangoi in ḷagapan bo nodaitnea kinaan in bibit tatua.

MARKUS 4:4 ပူးပေါင်းရင်းမြစ်များ

KINOBAḺIAN 15:11

Tapú mita tatua inangoi in ḷagapan mita inta mokokaan kon tapú mita inta nobongkogdon, táe inuntun i Abram.

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

MATIUS 13:4

Kon wakutu in sia nogambor oyúon batoḷ in noḷabú kon bingkí in daḷan. Bo ḷagapan in namangoi bo kinaannea nodait intua.

MARKUS 4:15

Bibit inta noḷabú kon daḷan in ibarat intau inta nokodongog kon habar soaḷ naonda in ki Allah momarenta. Naonda in sia nokodongog, Ibilis namangoi bo nogamá kon onu inta ain pinomuḷa kon bonu in ginanea.

MARKUS 4:3

“Indongogaidon! Oyúon in mogogambor iḷumuai sin mogambor.

MARKUS 4:5

Oyúon bibit inta noḷabú kon tampat inta nobayong in batu bo butánea tongá topiḻik. Bibit tatua ḷagi nobiag sin noyakag in butánea,

LUKAS 8:12

Bibit inta noḷabú kon bingkí in daḷan, tua in ibarat intau inta ain nokidongog kon Pirman i Allah, onda intua inangoi in Ibilis bo inagow in Pirman tatua nongkon bonu in gina monia, sin dika bo mosia in mobaḻí mopirisaya bo posaḷamaton.

LUKAS 8:5

“Oyúon intau monononggobá iḷumuai sin mogambor kon bibitnea. Kon wakutu in sia noponabud, oyúon bibit in noḷabú kon bingkí in daḷan. Bibit tatua korita-ritakan mako in intau, onda intua nodait kinaan in ḷagapan.