MARKUS 4:1 - Alkitab Singog In Mongondow Masa In Tanaa

¹ Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

MARKUS 4:1 ပူးပေါင်းရင်းမြစ်များ

MARKUS 2:13

Nopaḷut mako kon tua ki Yesus minayá bui in pintad Danow Galilea. Bayongan intau namangoi kon i-Nia. Bo Sia nobogoi in topotundú kon i monia.

MARKUS 3:7

Noiduduimai kon tua, ki Yesus takin murí-Nea mita sinimípa bo nopobayá in Danow Galilea. Táe nobayong totok in intau nongkon Galilea in dinumudui kon i Yesus. Nobayong doman in namangoi nongkon Yudea,

MARKUS 3:9

Mobayong totok in intau, manangka intua ki Yesus nokitayak in uangga kon murí-Nea mita, sinbá diá kogupitan monia in Sia.

MARKUS 4:36

Dá ki Yesus sinumakoidon kon uangga takin murí-Nea mita bo nonaḷámaidon kon intau mobayong kon bingkí in Danow. Uangga mita ibanea kon tua doman. Onda intua ki Yesus bo murí-Nea mita iḷumeagdon.

MARKUS 5:2

Natua in ponag i Yesus kon uangga, Sia inangoian in tobatú ḷoḷaki inta nongkon angob mita poḷoḷobongan.

MARKUS 5:21

Ki Yesus minayá bui kon ḷoḷan in danow. Kon bingkí in danow tatua nobarong totok in intau in namangoi noyoḻipung kon ḻibumai Yesus.