MARKUS 11:3 - Alkitab Singog In Mongondow Masa In Tanaa

³ Bo aka oyúon intau in moḻibó mongo nongonu sin bukaanbí monimu in keledai tatua? dá poguman, ‘Ki Tuhan moparaḷu, bo ḷagion-Neabí pobuion.’ ”

MARKUS 11:3 ပူးပေါင်းရင်းမြစ်များ

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MARKUS 11:2

takin koyow, “Bayádon kon ḻipú inta kon tayowonmai tatua. Naonda in moiko tumuot kon ḻipú tatua, moiko in mokoontong kon tobatú ki adí in keledai inta kotogo-togot. Keledai tatua diápa dodai onda in sinakoian intau. Bukádon togot in keledai tatua bo dia mangoi.

MARKUS 11:4

Dá minayá in murí-Nea taya dua tua bo nokodungkuḷ kon ki adí in keledai inta sinogot kon tayowon baḷoi kon bingkí in daḷan. Dá binukádon monia in keledai tatua.

MARKUS 14:15

Bo tundúonbí in intau tatua kon inimu in tobatú yuang moḷoben inta kon ḻimonik. Ruangan tatua ain notompia, bo notouḷutdon in pakakatnea. Sadiadon kon tua in yagi-yaginea sin pongaanan naton.”

OUMAN IN RASUL MITA 1:24

Mosia komintan nosambayang nanaa, “Tuhan, Ikobí inta nonotaau kon bonu in gina in bayongan intau, tundúdon mongo ki ine in koibog-Mu kon sigad inayadua naa, inta motarima kon oaidan inta pinoki aid-Mu táe inta ain sinaḷáanmai i Yudas inta ain notarima kon hukuman pinodudui in oaidnea.”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.