MARKUS 1:2 - Alkitab Singog In Mongondow Masa In Tanaa

² Habar Mopia tatua in pinangkoi ná inta pinais i Nabi Yesaya, nanaa, Ki Allah in noguman: “Naadon in totabá-Ku, ‘Pinotabá-Ku in sia umuna kon ini-Mu, sinbá sia in momontang kon daḷan bayáan-Mu.’

MARKUS 1:2 ပူးပေါင်းရင်းမြစ်များ

MAZMUR 40:7

Sosumba bo kuruban oḷudon kinodoí-Mubí, kuruban payongon bo kuruban potobut kon dosa diábí in inigum-Mu. Táe inogoian-Mudon in bongoḷan in akuoi inta pokidongog kon singog-Mu.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 11:10

Sin sia tua inta ain pinais kon bonu in Buk Motusi nanaa: Indoiai, Akuoi ain nopotabá mangoi kon totabá-Ku umuna kon ini-Mu, sinbá sia in momontang kon daḷan bayáan-Mu.”

MATIUS 2:5

Tubag monia kon inia: “Kon Betlehem, butá in Yudea, sin nanaa in pinais kon bonu in buk i nabi:

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”

MATIUS 26:31

Kon tua ki Yesus in noguman kon i monia, “Doḷom naa moḻiai in pirisaya monimu komintan kon i-Nakó; sin aindon pinais: Ki Allah noguman, ‘Akuoi in moḻimod kon gombala, bo domba mita tatua in moḷagui posibayá.’

LUKAS 1:70

Ná inta ain pinodandi-Nea pinongin nabi-Nea mita inta ain piniḻí-Nea.

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

LUKAS 18:31

Ki Yesus in nogoiní kon murí-Nea mopuḷú bodoyowá, bo noguman nanaa, “Indongogai! Tanaa mako kita in mopobayádon in Yerusalem, bo bayongan inta ain pinais in nabi mita soaḷ Adí Intau in intompodandon kon tua.