LUKAS 22:44 - Alkitab Singog In Mongondow Masa In Tanaa

⁴⁴ Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

LUKAS 22:44 ပူးပေါင်းရင်းမြစ်များ

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

OMBAḶ 1:12

“Ei intau mita inta tumaḻib kon daḷan, indoiai bo taridiai! Oyúon degá in roriga inta ná kobogat in rorigaku tanaa, sikisa inta pinopoantug i Tuhan kon inakó, popisí in torú-Nea inta moḷoben totok tua?

LUKAS 22:45

Nopaḷut mako nosambayang, nobuat in Sia bo minayá bui kon murí-Nea mita. Kinobayáan-Neamai, mosia in nosiug mako sin moajar totok in gina monia.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.