LUKAS 22:14 - Alkitab Singog In Mongondow Masa In Tanaa

¹⁴ Naonda in wakutuneadon mongaan, ki Yesus in iḻimitú noyotakin in murí-Nea mita kon meja pongaanan.

LUKAS 22:14 ပူးပေါင်းရင်းမြစ်များ

MATIUS 26:20

Naonda in singgai nodoḷomdon, ki Yesus in iḻimitú nongaan noyotakin in murí-Nea mita inta mopuḷú bodoyowá tua.

MARKUS 14:17

Naonda in nodoḷomdon, namangoidon in ki Yesus takin murí-Nea mopuḷú bodoyowá tatua.

MARKUS 6:30

Rasul mita inta pinotabá i Yesus in nobuidon mangoi, mosia in noyotakindon bui i Yesus. Bo inouman monia kon i Yesus in bayongan inta inaidan bo sinundú monia.

LUKAS 22:13

Onda intua minayádon in ki Petrus bo ki Yohanes. Kinobayáanmai monia komintanbí notongkai ná inta ain pinoguman i Yesus. Bo sinadiadon monia kon tua in pongaanan monia kon singgai in Paska.

LUKAS 22:15

Bo Sia in noguman kon i monia, “Akuoi in moibogdon totok mokaan kon kaanon Paska tanaa moyotakin monimu wakutu in diápa mokorasa kon roriga in Akuoi!