LUKAS 22:11 - Alkitab Singog In Mongondow Masa In Tanaa

¹¹ bo pogumandon kon i togi baḷoi tatua nanaa: Ki Pak Guru in nokiḻibó kon i tuang, ‘Kon onda in tampat inta motaau-Ku pongaanan takin murí-Ku mita kon singgai in Paska naa?’

LUKAS 22:11 ပူးပေါင်းရင်းမြစ်များ

MATIUS 21:3

Bo aka oyúon in intau in moḻibó kon i monimu, yo poguman nanaa, ‘Ki Tuhan moparaḷu.’ Ḷagi-Neabí pobuion mangoi.”

MARKUS 14:14

tumuot kon baḷoi inta tuotannea bo pogumandon kon i togi baḷoi tatua, ‘Ki Pak Guru nokiḻibó, mongo kon onda in tampat pongaanan i Pak Guru takin murí-Nea mita kon kaanon Paska.’

LUKAS 19:31

Aka oyúon in moḻibó kon inimu nanaa, ‘Nongonu sin bukaanbí monimu in keledai tatua?’ Dá tubagai nanaa, ‘Ki Tuhan moparaḷu.’ ”

LUKAS 19:34

Dá mosia notubag doman nanaa, “Ki Tuhan moparaḷu.”

LUKAS 19:5

Naonda in ki Yesus noiyaput kon pangkoi in kayu tatua, iḷumangag in Sia bo noguman, “Zakheus, ḷagidon poponag! Sin Akuoi in musti mongandup kon baḷoimu in singgai naa!”

LUKAS 22:10

Ki Yesus notubag, “Aka moiko tumuot kon tobatú kotá, yo moiko in moyodungkuḷ in tobatú ḷoḷaki inta nodia kon kendi kon bonu-bonu in tubig. Dudui kon inia modapot in baḷoi inta pongandupannea,

LUKAS 22:12

Yo tundúonbí i togi baḷoi tatua kon i namunda in tobatú yuang moḷoben kon ḻimonik. Kon tua aindon notouḷutdon in pakakatnea mita, dá sadiadon kon tua.”

YOHANES 11:28

Noguman mako natua in ki Marta, minayá in sia bo nogoiní kon i utatnea ki Maria bo nopogombong kon inia, “Ki Pak Guru kon naadon; iḻibó-Nea iko.”

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.