LUKAS 11:52 - Alkitab Singog In Mongondow Masa In Tanaa

⁵² Koboditodon in moiko mototundú mita kon agama! Sin kokunsi pobuká kon pongotahuan sinagúdon kon i monimu, táe moiko tontaní in diá moibog tumuot kon bonunea sin motayak kon pongotahuan tatua. Nodapot in moiko in tongábí mobaḻí ḷonggai kon intau mita inta moramuji tumuot kon bonunea!”

LUKAS 11:52 ပူးပေါင်းရင်းမြစ်များ

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MATIUS 22:35

Bo tobatú kon sigad monia, inta totok in nonotaau kon hukum i Musa, noḻibó sin monungkuḷ kon i-Nia,

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

LUKAS 11:53

Bo naonda in ki Yesus nonaḷámai kon tampat tatua, intau mita in Parisi bo mototundú mita kon agama sinumorú totok. Mosia umuran monaridi mako kon i-Nia bo kopia mopoḻibó-ḻibó kon yagi-yagi.

OUMAN IN RASUL MITA 5:40

Dá inoinídon bui monia in rasul mita tatua, sinambok bo dinandi kon diá bidon motaau in mosia bui mopotaau in habar soaḷ ki Yesus kon intau mita kon tua. Onda intua binuḻiandon bui monia.