KORINTUS 2 7:5 - Alkitab Singog In Mongondow Masa In Tanaa

⁵ Wakutu in kami in noidapotdon kon Makedonia, diádon in kami nokopogogai. Kami in tantú nokouḻí kon kasulitan: sin tantú oyúon in ropatoi, sahingga in gina nami tantú moondok.

KORINTUS 2 7:5 ပူးပေါင်းရင်းမြစ်များ

KINOBAḺIAN 8:9

Táe pinopisí in tubig umuranpa doman nonagom mako kon tudu in butá, dá ḷagapan tatua in diá nokouḻí kon pinonguyomanea. Dá nobuidon in sia kon uangga; Ki Nuh nopoḷuai in ḻimanea sinbá dompáan in ḷagapan tatua bo ḷagapan tatua in buineadon dinia pinotuot kon bonu in uangga.

AYUB 18:11

Intau moraat sinaḻikokogan in inta mokokoningkim nongkon bayongan tampat; Ondok dinumudui kon inia kon pomuḷoi in ḷampang.

YESAYA 33:12

Moiko in naonda bo batu karang inta sinubá sin pomiaan silon; naonda bo bonganga inta pinupuḷ bo sinubá kon bonu in tuḷú.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 45:3

iko in nogamui nanaa, ‘Ah, totuu mosoe in akuoi naa! Rorigaku in totuu mobarong, bo ki Tuhan in nopodugang doman in roriga. Moḷopídon in akuoi in mogamui, totokbí in diá in onownea!’

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

YEREMIA 8:18

Ginaku monakit bo mopomporí, amuiku diá koundaman.

OUMAN IN RASUL MITA 20:1

Naonda in kaadaan kon Epesus noonowdon bui, ki Paulus in nogoiní kon dumoduduinea mita bo sinongginaan. Onda intua nogumandon in sia kon mayá in Makedonia.

SURAT I PAULUS KON JAMAAT RUM 15:26

Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

KORINTUS 1 15:31

Utat mita! Pomuḷoi in singgai akuoi in monahang kon roriga sin mopia in ginaku kon kobobiag monimu sin moiko ain nopirisaya kon i Kristus Yesus, Tuhan naton. Totuubí onu in pinogumanku tanaa.

KORINTUS 1 16:5

Akuoi in mamangoibí mokipodungkuḷ kon i monimu naonda in moitaḻib kon Makedonia, sin tomayáku in mongintuapa.

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 2:3

Manangka intua akuoi in nomais kon surat tanaa kon i monimu. Sinbá aka akuoi mamangoi, yo diá yoyigaan monimu in ginaku, sin tongábí moiko in haraponku mako motaau mopoḷunganga in ginaku. Sin moyakinbí in akuoi kon aka ginaku bo mosanang, yo moiko in mosanangbí doman komintan.

KORINTUS 2 2:9

Suratku tanaa in monungkuḷbí kon i monimu, mongo moibogpa ande doídon degá in moiko mokidongog kon onu inta pinogumanku kon i monimu.

GALATIA 4:11

Moḻia-ḻiawbí totok in ginaku kon i monimu, dika bo onu inta ain iramujiku kon i monimu mobaḻí diá in baragunanea.

ULANGAN 32:25

Parang in modia kon kopopatoi kon daḷan mita; mokoondok in moiuma kon intau mita kon baḷoi. Tayow mobiag bo mongodeaga mita batánea in tokoyopúon, bo adí doman mointok bo intau inta nogoguyangdon.

TESALONIKA 1 3:5

Manangka intua pinotabákudon namangoi in ki Timotius sin moibogdon totok in akuoi mokidongog kon habar soaḷ kopopirisaya monimu kon i Kristus. Moḻia-ḻiaw in ginaku sin dikabo kinokawasaandon Ibilis in moiko, sahingga in onu inta siniḷopían nami diádon in baragunanea.