KORINTUS 2 5:4 - Alkitab Singog In Mongondow Masa In Tanaa

⁴ Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

KORINTUS 2 5:4 ပူးပေါင်းရင်းမြစ်များ

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 38:12

Nyawaku nobontow, nodapotdon in wakutuku, ná ḷoḷaigan in gombala inta kinokai; ná didit pinongkó nongkon pakakat gogaboḷan; kon inakó kamai simpodandon i Allah in kobiaganku.

SURAT I PAULUS KON JAMAAT RUM 8:23

Bo deemanbí tongá mosia in mogamui; táe kitabí doman inta ain notarima kon Roho i Allah. Tua in oogoi i Allah inta muna, tongá kita in umuranpabí doman mogoḷat mako kon i Allah mopoḷuat kon bayongan in awak naton bo baḻíon-Nea in kita ki adí-Nea mita.

KORINTUS 1 15:51

Tarukira in rahasia tanaa: Kita in diábí matoi komintan, táe kita in daitonbí baḷuian.

KORINTUS 2 5:2

Kon wakutu in kon baḷoipa tatua, kita in umuranbí mogamui sin moibogdon totok mogutun kon baḷoi naton inta kon soroga.

KORINTUS 2 5:3

Baḷoi tatua in awak naton inta nobagu.

PETRUS 2 1:13

Kon dodai in akuoi mobiagpa, nobaḻíbí kowajibanku in moponorop intua kon i monimu.