KORINTUS 2 4:9 - Alkitab Singog In Mongondow Masa In Tanaa

⁹ Umpakabí kami pinogutú, táe diápabí dodai onda in sinaḷáan tongádon kami tontaní. Bo umpakabí umuran monia bongkugon nodapot in pomobak kon butá, táe diápabí doman minatoi in kami.

KORINTUS 2 4:9 ပူးပေါင်းရင်းမြစ်များ

AYUB 22:29

Intau inta mokaḷakuang pinoompá i Tuhan, táe inta moompá in gina in posaḷamaton.

MAZMUR 129:2

“Akuoi in pinogutú in musung pinangkoi kon nobagupa in akuoi, táe mosia in diábí nokotaḷow kon inakó;

MAZMUR 22:1

Kon i itoi in mododondong. Podudui in dondong: Rusa kon dodai in modiug mobayag. Mazmur i Daud.

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 42:5

Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

MIKHA 7:8

Diábí in kinodoyonan in musung mita naton in moḷunganga in gina sin kon kinorimumudan naton. Sin umpakabí noḷabú in kita, yo kita in bui mobangon. Tanaa kita in kon bonu in sindip, táe ki Tuhan in monimbayagbí kon i naton.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

SURAT I PAULUS KON JAMAAT RUM 8:35

Oyúon degá in mokomampu moḷamboi kon i Kristus aka Sia in motabi kon i naton? Kasusahan, roriga, pomogutúan, malarat, kobiagan mobogá, anib ande popatoi, tua mita degá in mokoḷamboi kon tua?

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

TIMOTIUS 2 3:12

Memang bayongan in intau inta moibog mosumba kon i Allah bo inta motobatú i Kristus Yesus in mustibí pogutúon.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”