KORINTUS 2 4:8 - Alkitab Singog In Mongondow Masa In Tanaa

⁸ Kami totok in irupa-rupamai monia, táe naapabí doman mako in kami. Kinodaitanbí doman akaḷ in kami, táe harapan nami in tantúbí oyúon.

KORINTUS 2 4:8 ပူးပေါင်းရင်းမြစ်များ

MAZMUR 129:2

“Akuoi in pinogutú in musung pinangkoi kon nobagupa in akuoi, táe mosia in diábí nokotaḷow kon inakó;

MAZMUR 37:33

Táe diábí pinomayá mako i Tuhan in sia moḷabú kon bonu in kawasa in musung, andeka hukumon kon dodai in sisigan.

AMSAL 14:26

Intau inta motoguondok kon i Tuhan in mobiag mosanang, bo motoḷuadínea in ḷukadan.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,

YOHANES 14:18

Moiko in diábí taḷaan-Ku tontaní ná uno-unon. Akuoi in mamangoibí bui kon i monimu.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 2 12:10

Tuamai mopiabí in ginaku aka umuran moḻemé nanaa in kaadaan in awakku. Bo mopiabí doman in ginaku aka lantaran ki Kristus, akuoi in poponapudan in uboḷ, mokorasa kon rupa-rupa yoyiga, aḷo-aḷowan mako pogutúon. Sin aka korasaanku bo diádon mokopongonu in akuoi, yo kon wakutupa doman tuata bo oyúon ropot in korasaanku.

KORINTUS 2 6:12

Diábí in kami mobuni kon gina kon i monimu, táe tongá bidon moiko in diá totu-totuu motarima kon i nami.

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

KORINTUS 2 7:5

Wakutu in kami in noidapotdon kon Makedonia, diádon in kami nokopogogai. Kami in tantú nokouḻí kon kasulitan: sin tantú oyúon in ropatoi, sahingga in gina nami tantú moondok.

GALATIA 4:20

Akuoi in moibogdon totok moyodungkuḷ monimu in tanaa mako, sinbá akuoi in motaaudon moyosingog moyogintayowan mako, sin diádon kotaauanku mongo onupa in aidanku moindoimai kon oaid monimu naníon!

SAMUEL 1 28:15

Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

SAMUEL 1 31:4

Bo nogumandon in ki Saul kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi, sinbá akuoi diá pogogitog muna bodongka ḻimodon in intau mita inta diá nonotaau kon i Tuhan tatua.” Táe tayow mobiag tatua in doíbí monumbuk kon inia, sin totok in sia mohoromat kon i Saul. Manangka intua ki Saul in norabutdon kon kedangnea tontaní bo inumumpag kon mata in kedang tatua.