KORINTUS 2 2:7 - Alkitab Singog In Mongondow Masa In Tanaa

⁷ Musti ampungan monimu in taḷánea tatua bo tongginaai, sinbá diádon totok moyoyiga in ginanea sahingga kobuḻiandon harapan in sia.

KORINTUS 2 2:7 ပူးပေါင်းရင်းမြစ်များ

MAZMUR 124:3

dá kita in iḻiom bidon ande sibiag, popisí in torú monia inta tumaga-tagabdon tua.

MAZMUR 21:9

Sia in modakopbí kon bayongan in musungnea, bo nodomok kon bayongan in intau inta nondoí kon i-Nia.

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

AMSAL 1:12

Tanaa in mosia mobiag mosanang bo mosehat, táe kon singgai moiduduimai mosia in mobaḻíbí naonda bo intau inta mororiga totok.

AMSAL 17:22

Gina inta mosanang in mokosehatbí kon awak; gina molamurú mokoinggamá kon ibog.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

KORINTUS 1 15:54

Aka awak inta mato-matoi naa binaḷuiandon in awak inta diá mato-matoi, bo awak inta nongkon dunia naa baḷuiandon in awak inta nongkon soroga, dá kon wakutu in tatuatadon bo mobaḻí in onu inta pinais kon bonu in Buk Motusi nanaa, “Popatoi ain sinaḷow, kauntungan in nouḻídon!”

KORINTUS 2 2:8

Poigumonku doman, totu-totuubí kotabi monimu in sia tua.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

KORINTUS 2 7:10

Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

PILIPI 2:27

Oo, totuubí kon notakit in sia gogió bo minatoi. Táe sinotabipa i Allah in sia; deemanbí tongá sia, táe akuoibí doman, sinbá diá modugang moajar in ginaku.

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

TESALONIKA 1 4:13

Utatku mita, ibogon nami bá totu-totuudon kotaauan monimu in soaḷ intau mita inta ain minatoi; sinbá diá moajar in gina monimu ná mosia inta diá in harapan.

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.