KORINTUS 2 13:3 - Alkitab Singog In Mongondow Masa In Tanaa

³ Dá moiko in mokouḻíbí kon bukti inta totok in kinoibog monimu kon memang totuubí kon ki Kristusbí in mosingog pinongin inakó. Tongá aka Sia bo mopoaidon diábí tongá dumondouḷug, táe popoontong-Neabí in kawasa-Nea kon yua-yuak monimu.

KORINTUS 2 13:3 ပူးပေါင်းရင်းမြစ်များ

MATIUS 10:20

Sin deeman bidon moiko in mosingog, táe Rohobí i Amámu in mosingog kon bonu in ginamu.

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

KORINTUS 1 7:40

Tongá mopia-piabí kon aka diádon bui mokipobuḷoi in sia. Tua in podudui in raianku, táe iraiku kon onu in pinogumanku naa komintanbí kon bonu in kawasa in Roho i Allah.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

KORINTUS 2 12:12

Bayongan inta mokoherang, inta diá mita in poḻiu tua bo oaidan inta moḷoben, takin kasabaran moḷoben pinoontongdon bá ontongon doman monimu kon akuoi naa in totu-totuubí rasul.

KORINTUS 2 2:10

Aka moiko bo mongampung kon intau inta ain nogaid kon taḷá kon i monimu, yo ampungankubí doman in intau tatua. Sin onu inta ain inampunganku – aka totu-totuubí oyúon in paraḷu ampungan – yo ampungankubí kon tayowon i Kristus sin tua in kopiaanbí monimu.

KORINTUS 2 2:6

Intau natua motaaubí in tongápa intau inta kon sigad monimu in mohukum.

KORINTUS 2 9:8

Sin ki Allah in mokawasabí mobogoi in barakat kon i monimu, sinbá tantú oyúon in pakéon monimu; bo bá tantú oyúon in pogaid monimu kon inta mopia bo potuḷung kon intau.