KORINTUS 2 10:7 - Alkitab Singog In Mongondow Masa In Tanaa

⁷ Indoiaidon kopira onu inta nobaḻí kon tayowonmai monimu nion. Aka oyúon intau in moyakindon totu-totuu kon sia tua in kapunyaan i Kristus, yo musti in sia morai kon bonu in ginanea kon kami doman naa in kapunyaanbí doman i Kristus, naonda bo sia.

KORINTUS 2 10:7 ပူးပေါင်းရင်းမြစ်များ

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

YOHANES 7:24

Dikabí mohakim kon intau tongá podoyon kon onu inta koontongan, táe podoyonbí kon inta moadil.”

KORINTUS 1 1:12

Nanaa in makusudku, kon sigad monimu oyúon in noguman, “Akuoi in dumoduduibí i Paulus,” bo oyúon doman in moguman, “Akuoi in dumoduduibí i Apolos,” bo ibanea doman in moguman, “Akuoi in dumoduduibí i Petrus,” bo ibanea mako in moguman kon, “Akuoi naa in dumoduduibí i Kristus.”

KORINTUS 1 14:37

Aka rasaanmai monimu bo oyúonbí in totabi mopoyaput in habar nongkon i Allah, andeka inogoianbí i Allah in totabi kon soaḷ mita ibanea, yo intau tatua in mustibí mosadar kon onu inta pinaisku tanaa, komintanbí parenta nongkon i Tuhan.

KORINTUS 1 15:23

Táe pomuḷoi in intau in biagon poduduibí in gilirannea: muna-munamai totok in ki Kristus, bo naonda in Sia mamangoi bui bain tua bo moiduduimaidon in intau mita inta ain nobaḻí kapunyaan i Kristus.

KORINTUS 1 3:23

Ki togi kon i monimu nion in ki Kristusbí, bo kitogi kon i Kristus in ki Allahbí.

KORINTUS 1 9:1

Akuoi naa intaubí nobebas? Rasul i Tuhan? Inta ain nokoontong kon i Yesus, Tuhan naton? Bo inta nopoyaput in Habar Mopia kon i monimu dá nopirisayadon kon i Tuhan in moiko?

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 11:18

Totuubí kon mobayongbí in intau inta moduí kon onu inta kon dunia naa, tuamai in dumuí doman tontaní in akuoi.

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 2 11:4

Sin tarukiraankumai moiko in tongábí kibio-biómai aka oyúon in intau mamangoi bo mopotaau in habar soaḷ ki Yesus, táe ki Yesusbí tolaeng, deemanbí ki Yesus inta ain pinotaau muna nami kon i monimu. Bo tarimaan doman monimu in roho bo “habar mopia” inta totu-totuubí kon diá notongkai in Roho i Allah bo Habar Mopia inta ain muna sinarima monimu nongkon i nami.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 13:3

Dá moiko in mokouḻíbí kon bukti inta totok in kinoibog monimu kon memang totuubí kon ki Kristusbí in mosingog pinongin inakó. Tongá aka Sia bo mopoaidon diábí tongá dumondouḷug, táe popoontong-Neabí in kawasa-Nea kon yua-yuak monimu.

KORINTUS 2 5:12

Diábí bá dayowon monimu in kami. Kami in tongábí mobogoi in alasan mopia sinbá mopia in gina monimu kon i nami, bo bá motaau doman in moiko motubag kon singog in intau mita inta tongá momiḻí kon pogot, deemanbí oaidannea in indoian.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

YOHANES 1 4:6

Táe kita naa in ki adíbí mita i Allah; bo intau mita inta nonotaau kon i Allah in mokidongogbí kon singog naton. Táe intau inta deeman kapunyaan i Allah, diábí mokidongog kon singog naton. Natua in caranea kita monotaau kon yoposi in Roho inta motundú kon mobanar, bo roho inta motundú kon diá totuu.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”