KORINTUS 1 9:8 - Alkitab Singog In Mongondow Masa In Tanaa

⁸ Bo onu in pogumanku tanaa, deemanbí tongá ibo-ibog, sin singogku naa in ain bidon pinais kon buk i Musa.

KORINTUS 1 9:8 ပူးပေါင်းရင်းမြစ်များ

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

SURAT I PAULUS KON JAMAAT RUM 6:19

Popisí in moiko nobodokpa, dá akuoi in moguman kon contoh tanaa sinbá mogampang komangaḻean monimu. Tungkuḷ intua moiko noposarakan in bayongan awak monimu saḷaku ata in mogaid kon soaḷ mita inta mongoromú bo moraat sin makusud doman moraat. Tuamai in natua doman in masai naa, posarakaidon in bayongan awakmu saḷaku ata mogaid kon inta kinoibog i Allah sin makusud mopia i Allah.

KORINTUS 1 14:34

aka kon poyoyodungkuḷan natua, bobay in diábí motaau in mosingog. Mosia in musti kibio-biómai. Mosia in diábí motaau mobaḻí itoi; ná inta kon bonu in hukum i Musa.

KORINTUS 1 7:40

Tongá mopia-piabí kon aka diádon bui mokipobuḷoi in sia. Tua in podudui in raianku, táe iraiku kon onu in pinogumanku naa komintanbí kon bonu in kawasa in Roho i Allah.

GALATIA 1:11

Moiko uḻe utatku mita musti monotaau kon Habar Mopia inta pinoyaputku kon i monimu tua in deemanbí nongkon intau.

TESALONIKA 1 2:13

Oyúon in totok mokopia-pia kon gina nami, sahingga in kami tantú mosukur kon i Allah. Tuata wakutu in kami nopoyaput in Habar Mopia nongkon i Allah kon i monimu. Habar Mopia tatua in diábí tongá inanggap monimu habar nongkon intau, táe totu-totuubí Habar Mopia nongkon i Allah. Sin Roho-Neabí in pinopopaké-Nea kon inimu nogaid kon tua mita, intau inta mopirisaya kon i Yesus.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.