KORINTUS 1 9:7 - Alkitab Singog In Mongondow Masa In Tanaa

⁷ Diábí in tontara in mayá moparang bo umongkos tontaní! Bo diábí doman in monononggobá inta nomuḷa kon anggur táe diá mosipú kon bungainea! Bo diábí doman in intau inta nomiag kon domba bo diá monginum kon susu nongkon domba inta piniaranea tatua!

KORINTUS 1 9:7 ပူးပေါင်းရင်းမြစ်များ

AMSAL 27:18

Ki ine in monompia kon pinomuḷa, yo mokaanbí kon bungainea. Bobantung in kotabibí doman aka motabi kon i tuangnea.

AMSAL 27:27

Nongkon bembému mita ibanea iko in mokouḻí kon susu pakéonmu bo pakéon in motoḷuadímu takin bobantungmu mita.

DONDONG MOḶANTUD 8:12

bo nokouḻí kon doyowa nogatut ponondan kon pinogaidannea. Biódon mako in doit tatua kon inimu, Salomo, bo kon intau mita inta noḷukad kon gobámu. Táe gobá in anggurku, kapunyaanku tontaní, oyúon kon tayowonku.

YESAYA 7:22

yo tubig in teté in bobiagon tatua in moiḻiubí kon tugat poinumon kon intau mita inta ki agatnea kon butá tatua. Totuu, mosia in monginumbí kon susu bo biluk.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

ULANGAN 18:8

Sia in mustibí motarima kon kaanon inta motongkai in kobayongnea ná imang mita ibanea; onu in nouḻínea nongkon koluarganea, nobaḻí doman tonsilainea.”

ULANGAN 20:6

Oyúon degá in kon sigad monimu in bagu nomuḷa kon anggurnea bo diápa nokoposipú kon bungai mita in anggurnea? Aka oyúon, yo motaaubí in sia mobui. Sin aka sia koḻimodan kon parang, yo intaudon ibanea in monginum kon tubig in anggurnea.

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 2 4:7

Aka ná motanding yo akuoi in dinumuduidon totok kon pinotandingan nodapot kon bares pangabisan. Bo umuran in akuoi notoindudui kon i Kristus Yesus nodapot in pangabisan.

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.