KORINTUS 1 9:6 - Alkitab Singog In Mongondow Masa In Tanaa

⁶ Andeka degá tongá ki Barnabas bo akuoi in musti motayak kon kaanon tontaní?

KORINTUS 1 9:6 ပူးပေါင်းရင်းမြစ်များ

DATU MITA 2 6:2

Ogoipa in kami mayá momupuḷ kon kayu kon diug in Ongkag in Yordan, bo moposindog in pogogutunan naton kon tua.” “Mopia,” tubag i Elisa.

NEHEMIA 10:36

Kami in modiabí kon adí nami ḷoḷaki inta guya-guyang kon imang mita inta kon Baḷoi Tuhan sin posarakan kon i Allah, podudui in atorang in hukum. Kami in mobogoi doman in ki adí in sapi, ki adí in domba andeka ki adí in bembé nami inta dungkuḷ totok pinononggadí.

OUMAN IN RASUL MITA 11:22

Ouman mita tatua noiyaput kon jamaat mita inta kon Yerusalem. Manangka intua pinotabá monia in ki Barnabas minayá in Antiokhia.

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 14:12

Dá ki Barnabas sinangoian monia ki Zeus yo ki Paulus in ki Hermes, sin sia in nosingog.

OUMAN IN RASUL MITA 18:3

bo nogutun takin monia poḷat nogaid noyotakin monia sin totayak monia notongkai doman in totayak i Paulus, momomia kon ḷoḷaigan.

OUMAN IN RASUL MITA 4:36

Natua doman in ki Yusup. Sia in nopotaḷui doman in butánea, bo doit boḻinea tatua dinianea inogoinea kon rasuḷ mita. Ki Yusup naa in intau tobatú inta buí in Lewi nongkon Siprus; rasuḷ mita modonoimai kon inia ki Barnabas (inta mangaḻenea, Mohohibur).

KORINTUS 1 11:16

Tongá aka oyúon in momayow kon soaḷ tanaa yo nanaa in pogumanku kita andeka jamaat mita i Allah ibanea, komintanbí tongá tobatú tatua in nobaḻí kabiasaan kon bonu in jamaat i Allah, diábí in ibanea mako.

KORINTUS 2 11:8

Sin kon dodai in akuoi nogaid kon sigad monimu, akuoi in inongkosbí in jamaat mita ibanea. Dá motaaubí singogonku kon totokbí in nokoporugimai kon jamaat mita sinbá akuoi in motaau motuḷung kon i monimu.

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.