KORINTUS 1 9:22 - Alkitab Singog In Mongondow Masa In Tanaa

²² Aka kon yuak in intau mita inta diápa noguyang in pirisaya, yo akuoi in ná bí doman onda bo mosia, sinbá moidudui kon inakó in mosia bo mobaḻí komintan dumodudui i Kristus. Simpodon mako kon singog, norupa-rupamaidon in akaḷ inaidanku kon yuak in bayongan intau sinbá oyúon in mopirisaya kon i Kristus bo posaḷamaton.

KORINTUS 1 9:22 ပူးပေါင်းရင်းမြစ်များ

SURAT I PAULUS KON JAMAAT RUM 11:14

Haraponku mako akuoi in mokopomuká kon intoi kon intau mita tobangusaku, sin aka natua yo motaau posaḷamatonku in tongonumai intau nongkon i monia tua.

SURAT I PAULUS KON JAMAAT RUM 14:1

Intau inta diá moyakin kon onu inta pinirisayanea in mustibí tarimaanmu kon sigad in intau mita inta mopirisaya. Dikabí mobobayowannea soaḷ pendiriannea tatua.

SURAT I PAULUS KON JAMAAT RUM 14:2

Oyúon in intau kopendirian kon sia in motaaubí mokaan kon bayongan in yagi-yagi. Táe intau inta diápa moyakin kon onu inta pinirisayanea tatua; kinotaauannea in tongábí kuyat in motaau kaanonnea.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

SURAT I PAULUS KON JAMAAT RUM 15:2

Mustibí in kita moposanang doman in gina i utat naton, sin kopiaan doman monia, bá koyakinan monia in modugang doman moropot.

KORINTUS 1 10:33

Kobiagdon ná akuoi. Kon soaḷ yagi-yagi, ramujionku totok sinbá mokosanang kon bayongan intau. Bo tua in deemanbí tongá kopontinganku tontaní, táe kopontinganbí in bayongan intau sinbá mosaḷamat in mosia.

KORINTUS 1 7:16

Sin moiko utat saḷaku buḷoi bobay – inta ain nopirisaya kon i Kristus ki Tuhan naton – naondabí in kototaau monimu, kon diá mokosaḷamat in iko kon i buḷoimu ḷoḷaki? Natua doman in iko buḷoi ḷoḷaki inta nopirisayadon kon i Yesus, naondabí in kototaau monimu kon iko in diá mokosaḷamat kon i buḷoimu bobay?

KORINTUS 1 8:13

Tuamai aka mokobaradosabí kon i utatku mita in kaanon tatua, dá doí bidon in akuoi mokaan kon ponoyá tatua. Sin dikabo baradosaan in ki utatku tua popisí akuoi.

KORINTUS 1 9:19

Akuoi naa in deemanbí totabá in tumpaḷa intau, táe noibogbí in akuoi nobaḻí ata kon i monimu komintan, sinbá moantó in intau in mopirisaya kon i Kristus.

KORINTUS 1 9:23

Tongábí bá moiyaput in Habar Mopia nongkon i Allah kon bayongan intau, dá inaidanku intua komintan, sinbá moitakin doman mokouḻí kon barakat in akuoi.

KORINTUS 2 11:29

Aka oyúon in mokorasa kon moḻemé, yo akuoi in moitakinbí doman moḻemé. Aka oyúon in moiḷautdon mogaid kon inta diá mopia, yo moitakinbí doman in ginaku moyoyiga.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.