KORINTUS 1 8:5 - Alkitab Singog In Mongondow Masa In Tanaa

⁵ Totuubí kon moantó doman inta sinangoian ki allah andeka ki tuhan in kon dunia naa.

KORINTUS 1 8:5 ပူးပေါင်းရင်းမြစ်များ

YEREMIA 11:13

Ilah mita in intau in Yohuda nobayong totok, ná kobayong in kotá mita monia. Intau in Yerusalem noposindog in mezbah mita ná kobayong in daḷan mita kon kotá in Yerusalem sin moposumba in kuruban kon Dewa Baal.

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

YEREMIA 2:28

Kon onda in berhalamu mita inta pinomia monimu tua? Aka oyúon in roriga, yo kuanidon in mosia moposaḷamat kon i monimu, aka mokoposaḷamat in mosia! Ei Yohuda, dewamu mita in ná kobayong in kotámu mita!

DANIEL 5:4

Koyogot in monginum mosia in sindaḷan doman modayow kon dewa mita inta pinomia nongkon buḷawan, saḷaka, bitú, kayu bo batu.

MATIUS 27:17

Popisí in mosia noyosipundon kon tua, dá ki Pilatus in noḻibó kon i monia, “Ki ine in koibog monimu poḷuaionku, ki Yesus Barabas andeka ki Yesus inta sinangoi ki Kristus?”

GALATIA 4:8

Tungkuḷ intua moiko in diápa nonotaau kon i Allah, tuamai moiko in nobaḻí ata in kawasa mita inta inanggap monimu ki allah, táe sabanarnea in deemanbí ki Allah.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.