KORINTUS 1 8:12 - Alkitab Singog In Mongondow Masa In Tanaa

¹² Bo aka natua in tantú aidan monimu kon bayongan utat mita Keresten – dá mangaḻenea kon tua, moiko in nomoguyaatdon kon pirisaya in intau inta diápa noguyang in pirisaya – dá baradosaandon kon i Kristus in moiko.

KORINTUS 1 8:12 ပူးပေါင်းရင်းမြစ်များ

KINOBAḺIAN 20:9

Nopaḷut mako kon tua ki Abimelek nogoiní kon i Abraham bo noḻibó “Onu inta ain pinomiamu kon inami? Onu in taḷáku kon inimu, dapot in pinopoangoimudon inta mokobodito kon inakó bo kon dodatuan ku? Totuu kon diábí patus iko in momia kon natua kon inakó.

KINOBAḺIAN 42:22

Ki Ruben in notubag, “Kinotaauan bidon monimu kon koḻipod ain pinogumanku kon i monimu sinbá adí tatua donaai yagi-yagionmai. Táe moiko in doí mokidongog. Dá tanaa kinopatoiannea in potuḻídon kon inaton.”

IḶUAIAN 16:8

Ki Tuhan mobogoi kon i monimu in ponoyá kon dodai in ḷoḷabungnea, bo roti kon dodai in doḷo-doḷom modapot in moiko mobotug, sin ain dinongog i Tuhan kon moiko in sinumorú kon i-Nia. Totuubí kon aka moiko tumorú kon inami, yo moiko in naondabí bo sinumorú kon i Tuhan.”

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 18:21

Onda intua namangoi in ki Petrus bo noḻibó kon i Yesus, “Tuhan, dapot in kotongonumai degá akuoi in mongampung kon i utatku aka mosia mogaid kon taḷá kon inakó? Dapot in kopitu degá?”

MATIUS 18:6

“Táe ki ine in mokopopisí kon tobatú nongkon sigad in mongoadí mita tanaa in diádon mopirisaya kon i-Nakó, yo mopia-piabí aka gantung bo popotogot kon sigogownea bodongka taḷomon kon dagat.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 25:45

Bo Sia notubag kon i monia, ‘Bá poguman-Ku kon i monimu: aka tua komintan bo diá pinopoaid monimu kon intau inta totok in bogá tanaa, yo tua in notongkai doman in diá pinopoaid kon i-Nakó.’

MARKUS 9:42

“Ki ine in mokopopisí modapot kon tobatú nongkon mongoadí mita tanaa diádon mopirisaya kon i-Nakó, yo mopira-piradon intau tatua popotogotan in gantung kon sigogow, bo pogonag kon dagat.

LUKAS 17:2

Intau natua in maníka bo popotogotan in gantung kon sigogownea, bo ḷadungon kon dagat dika in mobiag in sia bo tongá mokopopisí kon intau mita mointok tanaa mogaid kon dosa.

SURAT I PAULUS KON JAMAAT RUM 14:20

Ḷukadaibí sinbá diá tongá soaḷ kokaanon, iko momoguyaat kon onu inta ain inaidan i Allah. Komintan kaanon diábí in pinoton, motaaubí modait kaanon, táe aka onu in kinaanmu tua mokopopisí kon intau ibanea baradosaan, dá iko in kotaḷá.

KORINTUS 1 12:12

Ki Kristus tua in ná bí onda bo awak in intau; awak naa in tongábí tobatú, táe nobarong in anggotanea. Táe umpakabí nobarong in anggota in awak tua, táe tongoawakanbí monag.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.

SAMUEL 1 24:11

Tanaa in kinorasaandon tontaní i Tuang Datu kon koina kon bonu in angob, pinosarakandon i Tuhan in ki Tuang kon inakó. Akuoi naa in dinondouḷugandon in intau tobatú kon moḻimod kon i Tuang Datu, táe doí in akuoi. Akuoi in notubag kon akuoi in doíbí mopororigamai kon datu inta ain piniḻí i Tuhan.