KORINTUS 1 8:10 - Alkitab Singog In Mongondow Masa In Tanaa

¹⁰ Nanaa i makusudku: Aka kuma moiko inta aindon nopirisaya totu-totuu bo indoianmai iḻimitúbí mako bo mongaan kon bonu in baḷoi pobobogoian kon sosumba kon berhala, bo inontong in intau mita inta diápa noguyang in pirisayanea. Dá tantú oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala?

KORINTUS 1 8:10 ပူးပေါင်းရင်းမြစ်များ

AMOS 2:8

Kon batúan in pooibadaan, intau mita in mosiug takin mopogiḷambung in ḷambung inta ginamá monia saḷaku tontagú in boboḻian in intau bogá. Kon Baḷoi i Allah monia, mosia in nonginum kon anggur inta ginamá monia nongkon intau inta koboḻi kon i monia.

PINOGIAPAN 25:2

Bobay mita tatua nonongganut kon i monia mayá in bobutungan kuruban sin mohoromat kon i ilah monia. Intau mita in Israel sinumakin doman nokaan kon kaanon kuruban tatua bo nosumba doman kon ilah intau in Moab.

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

SURAT I PAULUS KON JAMAAT RUM 14:14

Popisí in akuoi bo notobatúdon i Tuhan Yesus, dá mopirisayabí totok in akuoi kon diábí in tobatúmai monajis. Soaḷ tatua najis podudui intau tobatú, aka tua inanggapnea najis.

SURAT I PAULUS KON JAMAAT RUM 14:23

Táe intau inta moondo-ondok in mokaan kon onu inta motaau kaanon, tongá pangabisannea in nokaan doman kon kaanon tatua, yo potaḷáan i Allah in sia, sin tua inaidannea diá pinodoyon kon koyakinannea soaḷ onu in noitutui bo onu inta noitaḷá. Onuka in aidan takin diá podoyon kon koyakinan yo dosabí intua!

KORINTUS 1 10:32

Kobiag mokopotompia bá diá tongá mokobaradosa kon bayongan in intau; pinomayá intau in Yahudi ande Yunani ande jamaat i Allah.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

KORINTUS 1 8:7

Umpaka natua, táe diábí komintan intau in nonotaau kon soaḷ tatua. Sin umaaipa doman masa in tanaa oyúonpa in umuran mosumba kon berhala mita. Tuamai oyúonpa doman in raian kon kaanon inta ain pinosumba kon berhala in kaanonbí doman in berhala. Manangka intua aka kaanon monia in kaanon tatua yo porasaan monia in baradosaanbí in mosia; tua komintan popisíbí in diápa noguyang in pirisaya monia.

KORINTUS 1 8:9

Tongá musti mokopopia! Sinbá diá mokopopisí kon intau mita inta diápa noguyang in pirisaya monia in baradosaan, sin popisí in moiko nobebasdon in mogaid kon onukadon.

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.