KORINTUS 1 7:40 - Alkitab Singog In Mongondow Masa In Tanaa

⁴⁰ Tongá mopia-piabí kon aka diádon bui mokipobuḷoi in sia. Tua in podudui in raianku, táe iraiku kon onu in pinogumanku naa komintanbí kon bonu in kawasa in Roho i Allah.

KORINTUS 1 7:40 ပူးပေါင်းရင်းမြစ်များ

KORINTUS 1 7:1

Tanaa in insilangankudon kon i monimu onu inta pinais monimu kon surat inta kinirim monimu kon inakó. Aka tobatú ḷoḷaki bo diá nobuḷoi, sabanarnea mopia intua.

KORINTUS 1 7:35

Naa komintan in pinaisku sin kopiaanbí monimu tontaní, deemanbí molarang kon bayongan ibog monimu. Táe ibogonku in bá umuran mogaid kon inta mopia bo inta mokosanang kon bayongan in intau bo umuran motantú in raian kon i Tuhan.

KORINTUS 1 7:6

Onu in pinogumanku kon i monimu naa in deemanbí parenta, táe tongginabí.

KORINTUS 1 7:8

Manangka intua nanaa in tongginaku kon intau inta diápa nobuḷoi bo kon bobay mita inta dongkadon boba-bobay: Maníka in moiko bo umurandon mobiag bata-batangan ná akuoi.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 13:3

Dá moiko in mokouḻíbí kon bukti inta totok in kinoibog monimu kon memang totuubí kon ki Kristusbí in mosingog pinongin inakó. Tongá aka Sia bo mopoaidon diábí tongá dumondouḷug, táe popoontong-Neabí in kawasa-Nea kon yua-yuak monimu.

KORINTUS 2 8:10

Aka podudui in raianku, yo noitutui bidon totok aka moiko bo moginḷapat kon onu inta ain pinangkoi monimu taong inta nopaḷutmai naa. Sin moikobí inta muna-munamai norai bo nomangkoi kon oaidan tanaa.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.