KORINTUS 1 7:36 - Alkitab Singog In Mongondow Masa In Tanaa

³⁶ Tongá aka tobatú intau bo nogaid kon inta diápa patus aidan kon i kantangnea sin diádon mokotahang kon ibognea, táe oyúonbí in niat monia motonibuḷoi yo aidaibí. Sin diábí baradosaan aka motonibuḷoibí in moiko.

KORINTUS 1 7:36 ပူးပေါင်းရင်းမြစ်များ

YEREMIA 29:6

Pobuḷoidon sinbá mokouḻí kon adí in moiko, bo biódon mako in ki adímu mita in mobuḷoi doman sinbá mosia in mokouḻí doman kon adí. Kobayongmu in musti modugang bo diábí motaau in mogaat.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 5:40

Bo kon intau inta moibog mopongadu kon inimu kon hakim, sin sia moibog in ḷambungmu, yo ogoidon doman in jubahmu.

KORINTUS 1 7:35

Naa komintan in pinaisku sin kopiaanbí monimu tontaní, deemanbí molarang kon bayongan ibog monimu. Táe ibogonku in bá umuran mogaid kon inta mopia bo inta mokosanang kon bayongan in intau bo umuran motantú in raian kon i Tuhan.

KORINTUS 1 7:37

Táe aka intau tatua bo mogamádon kon kaputusan kon bonu in ginanea, kon diábí tonibuḷoionnea in ki kantangnea tua sin mokotahangbí in sia in diá mobuḷoi, dá oaidnea tatua in mopiabí.

KORINTUS 1 7:9

Táe aka moiko bo diá mokotahang kon ibog mobuḷoi, yo maníka pobuḷoi. Sin maníka bo mobuḷoi dika in monahang kon ibogmu inta moiḻiu tua.

SAMUEL 1 2:33

Táe, tobatú nongkon buímu, pomayá-Kudon mako in sia mobiag bo mogundoi kon i-Nakó mobaḻí imang. Tongá sia in mobaḻí mobilog bo mobiag takin gina umuran diá in kamang. Bayongan in buímu ibanea in koḻimodan.