KORINTUS 1 7:34 - Alkitab Singog In Mongondow Masa In Tanaa

³⁴ tuamai in diá motantú in raiannea. Bobay inta diá kobuḷoi, andeka inta mongodeagapa, moantó in raiannea kon soaḷ ki Tuhan. Sin ibogonnea in kobiagannea tua in komintandon posarakan kon i Tuhan. Táe bobay inta kobuḷoidon, umuranbí in sia morai kon soaḷ mita in dunia naa, sin moibog in sia moposanang in gina i buḷoinea.

KORINTUS 1 7:34 ပူးပေါင်းရင်းမြစ်များ

YOHANES 10:13

Intau inta sinoko tondanan tatua moḷaguibí, sin sia in nogaid tongábí popisí in inuboḻian. Dá diábí pandungonneamai in domba mita tatua.

SURAT I PAULUS KON JAMAAT RUM 6:13

Bo dika domandon posarakan in awakmu kon kawasa in dosa sin pakéonnea mogaid kon inta mongoraat. Táe posarakaidon in awakmu kon i Allah saḷaku intau inta ain pinamping nongkon kawasa in popatoi bo pinobayá in kawasa inta mokobiag. Posarakaidon in awakmu komintan kon i Allah sinbá pakéon mogaid kon onu in kinoibog-Nea.

KORINTUS 1 6:20

Sin moiko nion in sinaḷui bidon i Allah, bo nodait-Nea bidon inuboḻian. Tuamai umurandon paké kopiraan sahingga in ki Allah in pomuliaan.

KORINTUS 1 7:33

Táe intau inta kobuḷoidon, moantóbí totok in raiannea soaḷ in dunia naa, sin moibog in mosia moposanang in gina i buḷoinea;

KORINTUS 1 7:35

Naa komintan in pinaisku sin kopiaanbí monimu tontaní, deemanbí molarang kon bayongan ibog monimu. Táe ibogonku in bá umuran mogaid kon inta mopia bo inta mokosanang kon bayongan in intau bo umuran motantú in raian kon i Tuhan.

KORINTUS 2 11:28

Bo pomuḷoi in singgai moḻia-ḻiaw doman in ginaku kon kaadaan in bayongan jamaat.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TIMOTIUS 1 3:5

Sin aka intau tatua diá motaau monompia kon tombonu in baḷoinea tontaní, yo naondabí in sia monompia kon jamaat i Allah?

TIMOTIUS 1 5:5

Intau boba-bobay inta nobiagdon tontaní sin diádon in haraponnea mako motuḷung monompia kon inia, bo dongkadon ki Allah in poharapannea mako, yo musti in sia doḷom bo singgai in mosambayang bo mopoigum in totabi kon i Allah.

TITUS 3:8

Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.