KORINTUS 1 7:31 - Alkitab Singog In Mongondow Masa In Tanaa

³¹ bo intau inta umuran nobaḻí ki ata in onu inta kon dunia naa, yo donaaidon in sia moibog tonggataan in dunia naa. Sin dunia naa in motoyong bidon moyoyang takin kaadaannea masa in tanaa!

KORINTUS 1 7:31 ပူးပေါင်းရင်းမြစ်များ

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

MAZMUR 73:20

Naonda bo togoindop inta noinggamá kon tungkuḷ in doḷo-doḷom; kon dodai in Iko sinimindog, o Tuhan, yo noinggamádon in mosia.

MOHOHUTUBA 1:4

Buí inta tobatú in mamangoi bo buí inta ibanea in moinggamá, táe dunia naa in umuranbí notongkai mako.

MOHOHUTUBA 11:2

Paké in doitmu kon bayongan in totayak; kobayongbí in totayak. Sin intau in mustibí kiḷuka-ḷukadmai, kon dodai in bodito diápa moiantug.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

KORINTUS 1 7:30

intau inta nongombaḷ, musti in sia tumon intau inta ná diá in yagi-yaginea. Intau inta noḷunganga in gina; musti in sia tumon intau inta ná diá noḷunganga in gina. Bo intau inta ain notaḷui, musti in sia tumon intau inta diá koonu bo onu;

KORINTUS 1 9:18

Dá aka natua yo onu in mouḻíku? Naa in mouḻíku: akuoi in motaau mopoyaput in Habar Mopia bo diábí mokoyoyiga kon intau in mogongkos sin diábí in akuoi moigum kon rupa-rupa.

IBRANI 12:27

Tosingogon “komintanpa doman” mogumanbí kon bayongan in dunia inta ain pinomia naa in dandúon bo ḷumbúon, sinbá dongkadon inta diá modandú in kotaḷáan.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

YOHANES 1 2:17

Dunia naa bo bayongan tombonunea inta kinoibog in intau koyogotdon in moyoyang. Táe intau inta dinumudui kon ibog i Allah, i mobiagbí mononoi.