KORINTUS 1 7:29 - Alkitab Singog In Mongondow Masa In Tanaa

²⁹ Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

KORINTUS 1 7:29 ပူးပေါင်းရင်းမြစ်များ

SAMUEL 2 19:34

Táe ki Barzilai in notubag, “Diádon moonggot in kobiaganku. Dá onubí in mangaḻenea akuoi tumakin kon i Tuang datu mayá in Yerusalem?

MOHOHUTUBA 6:12

Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEHEZKIEL 7:12

Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

LUKAS 14:20

Intau ibanea doman in noguman nanaa, ‘Akuoi in bagu nobuḷoi, tuamai in akuoi in diápa mokopoangoi.’

KORINTUS 1 7:28

Táe aka iko bo tantúbí moibog mobuḷoi, yo diábí doman nongonu. Natua doman in mongodeaga, diábí doman baradosaan aka mokipobuḷoi. Tongá intau inta nobuḷoi tua mokouma kon roriga inta ibogonku in moiyayúbí mita kon i monimu intua komintan.

KORINTUS 1 7:30

intau inta nongombaḷ, musti in sia tumon intau inta ná diá in yagi-yaginea. Intau inta noḷunganga in gina; musti in sia tumon intau inta ná diá noḷunganga in gina. Bo intau inta ain notaḷui, musti in sia tumon intau inta diá koonu bo onu;

KORINTUS 1 7:31

bo intau inta umuran nobaḻí ki ata in onu inta kon dunia naa, yo donaaidon in sia moibog tonggataan in dunia naa. Sin dunia naa in motoyong bidon moyoyang takin kaadaannea masa in tanaa!

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

YOHANES 1 2:17

Dunia naa bo bayongan tombonunea inta kinoibog in intau koyogotdon in moyoyang. Táe intau inta dinumudui kon ibog i Allah, i mobiagbí mononoi.