KORINTUS 1 7:26 - Alkitab Singog In Mongondow Masa In Tanaa

²⁶ Moindoimai kon kaadaan masai naa, yo maníka ki ine in diápa pinobuḷoi yo tantúpa natua.

KORINTUS 1 7:26 ပူးပေါင်းရင်းမြစ်များ

MATIUS 24:19

Moboditodon guyanga mita bobay inta sidia andeka inta koyogotpa in nopoteté in adí kon dodai intua!

LUKAS 21:23

Mokoondok in singgai mita tatua aka kon bobay inta sidia bo inta kogadípa kon mointok! Kotá tanaa in koantugan in roriga moḷoben bo hukumon i Tuhan.

KORINTUS 1 7:1

Tanaa in insilangankudon kon i monimu onu inta pinais monimu kon surat inta kinirim monimu kon inakó. Aka tobatú ḷoḷaki bo diá nobuḷoi, sabanarnea mopia intua.

KORINTUS 1 7:27

Táe aka iko bo noiḷautdon nobuḷoi, dá dikabí ramujionmu bo gaaton in ki buḷoimu tatua. Táe aka diápa in iko noiḷaut nobuḷoi dá maníka bo dikadon motayak kon buḷoi.

KORINTUS 1 7:28

Táe aka iko bo tantúbí moibog mobuḷoi, yo diábí doman nongonu. Natua doman in mongodeaga, diábí doman baradosaan aka mokipobuḷoi. Tongá intau inta nobuḷoi tua mokouma kon roriga inta ibogonku in moiyayúbí mita kon i monimu intua komintan.

KORINTUS 1 7:8

Manangka intua nanaa in tongginaku kon intau inta diápa nobuḷoi bo kon bobay mita inta dongkadon boba-bobay: Maníka in moiko bo umurandon mobiag bata-batangan ná akuoi.

TESALONIKA 2 2:2

Sinbá diá in moiko baḷú motoboḻingo bo moḻia-ḻiaw in gina sin mokodongog kon naadon in singgai koangoian i Tuhan bui. Degá habar tatua nongkon habar inta pinopogonú i Allah andeka tongábí nongkon totundú in intau, andeka oyúon doman in noguman kon soaḷ mita tatua in nokoimontandon in pinais nami kon surat nami.

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?