KORINTUS 1 7:22 - Alkitab Singog In Mongondow Masa In Tanaa

²² Sin ata inta mopirisaya kon i Tuhan, nobaḻí bidon intau i Tuhan inta nobebas. Bo intau nobebas inta nopirisayadon kon i Tuhan, nobaḻí bidon mogogaid kon oaidan i Tuhan Yesus Kristus.

KORINTUS 1 7:22 ပူးပေါင်းရင်းမြစ်များ

MAZMUR 116:16

Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

SURAT I PAULUS KON JAMAAT RUM 1:1

Utatku mita kon Rum inta kinotabi i Allah bo inta ain piniḻí-Nea sin baḻíondon umat-Nea. Akuoi in piniḻídon i Allah bo ain binaḻí-Nea intau inta mopotaau in Habar Mopia nongkon i-Nia.

KORINTUS 1 7:21

Aka wakutu inoiní bo moiko in nogaid saḷaku ata, yo diábí nongonu intua. Tongá aka komintanmai bo mokouḻídon kon kasampatan moiḷuatdon, yo popobaragunadon in kasampatan tatua.

KORINTUS 1 9:19

Akuoi naa in deemanbí totabá in tumpaḷa intau, táe noibogbí in akuoi nobaḻí ata kon i monimu komintan, sinbá moantó in intau in mopirisaya kon i Kristus.

KORINTUS 1 9:21

Aka kon tayowon intau mita inta deeman Yahudi, akuoi in ná bí doman onda bo mosia, inta diá motoindudui kon hukum i Musa. Tua komintan inaidanku sinbá moidudui kon inakó in mosia bo mobaḻí komintan dumodudui i Kristus. Táe deemanbí makusudku moḷawang kon i Allah; sin parentabí mita i Kristus in nongawasa kon inakó.

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

GALATIA 5:1

Tanaa kita totu-totuudon nobebas, sin ki Kristus tontaní in nopobebas kon i naton! Tuamai tantúdon ḷukadai in kabebasanmu, bo donaai in moibog bui tonggataan.

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

PILEMON 1:16

Bo tanaa, sia in deeman bidon tongá tobatú ata kon i utat; táe noiḻiu bidon kon tua. Sia in tumpaḷa bidon intau in Keresten inta kotabi naton. Sia in baragunadon kon i naton apalagi kon inimu! Tantú sia in baraguna bidon totok kon inimu, pinomayá saḷaku ata ande saḷaku utat kon bonu in tabi i Tuhan!

PETRUS 1 2:16

Bo kobiagdon in moiko saḷaku intau inta mobebas, táe donaai pakéon in kabebasan tatua sin momompon kon aid mita monimu inta moraat, táe kobiagbí saḷaku intau mita inta nogaid kon oaidan i Allah.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,