KORINTUS 1 7:21 - Alkitab Singog In Mongondow Masa In Tanaa

²¹ Aka wakutu inoiní bo moiko in nogaid saḷaku ata, yo diábí nongonu intua. Tongá aka komintanmai bo mokouḻídon kon kasampatan moiḷuatdon, yo popobaragunadon in kasampatan tatua.

KORINTUS 1 7:21 ပူးပေါင်းရင်းမြစ်များ

LUKAS 12:29

Tuamai kotantúon in raian bo dika umuran moḻia-ḻiaw in gina monimu kon soaḷ kaanon andeka inumon monimu.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

KORINTUS 1 7:20

Tuamai, kobiagdon moiko ná kon dodai in inoiní i Allah.

KORINTUS 1 7:22

Sin ata inta mopirisaya kon i Tuhan, nobaḻí bidon intau i Tuhan inta nobebas. Bo intau nobebas inta nopirisayadon kon i Tuhan, nobaḻí bidon mogogaid kon oaidan i Tuhan Yesus Kristus.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

PILIPI 4:11

Mosingog in akuoi kon nanaa, deemanbí popisí in diádon in onu bo onu kon inakó, sin nobalajar bidon in akuoi mosukur tongákabí onu in oyúon.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.