KORINTUS 1 7:18 - Alkitab Singog In Mongondow Masa In Tanaa

¹⁸ Umpamanea, tobatú intau bo sinunatdon kon wakutu in inoiní i Allah, dá dikabí ramujion inggamáan in paḷot mita in sunat tatua. Natua doman, aka oyúon in diápa sinunat kon wakutu in inoiní i Allah, dá dika bidon poigumon konbá sunatonpa.

KORINTUS 1 7:18 ပူးပေါင်းရင်းမြစ်များ

OUMAN IN RASUL MITA 15:19

“Tuamai aka ná kon raianku, sabanarnea kita in diábí motaau in mogaid kon atorang inta mokororiga kon bayongan intau inta mopirisaya kon i Allah.

OUMAN IN RASUL MITA 15:24

Aindon dinongog nami kon oyúondon in intau nongkon sigad nami in namangoi kon i monimu bo mongacau poḷat mopoyaying in pirisaya monimu. Bokaka mosia tua in diábí pinotabá nami.

OUMAN IN RASUL MITA 15:28

Sin naabí inta kinoibog in Roho i Allah – bo mopia doman in gina nami – sinbá moiko in diá pokiaidan in oaidan inta moboga-bogat nongkon oaidan mita tanaa:

OUMAN IN RASUL MITA 15:5

Táe tongonumai intau in Parisi inta ain nopirisaya kon i Yesus in namangoi bo noguman, “Intau mita inta deeman Yahudi in mustibí sunaton bo pokiaidan in onu inta pinarenta i Musa.”

OUMAN IN RASUL MITA 21:21

Mosia ain nokodongog kon ki utat aindon notundú kon bayongan intau in Yahudi inta nogutun kon ḻipú intau ibanea bo ki utat in moibog doman monginggamá kon hukum i Musa. Bo iko ain nongampag kon i monia sinbá mosia in diádon mokisunat kon i adí mita monia bo bá diádon mobiag podudui in adat naton.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!