KORINTUS 1 7:14 - Alkitab Singog In Mongondow Masa In Tanaa

¹⁴ Tantú ḷoḷaki tatua in motaaubí mobaḻí umat i Allah sin aindon notonibuḷoi takin intau inta ain nobaḻí umat i Allah. Natua doman in buḷoi bobay, tantú motaau bidon doman mobaḻí umat i Allah sin ain notonibuḷoi in intau inta ain nobaḻí umat i Allah. Sin aka diá natua, yo tantú ki adí mita monia in naonda bo ki adí mita in intau inta diá nonotaau kon i Allah, táe aka duduian monimu in tongginaku naa, yo ki adí mita monimu tua in mobaḻí bidon umat i Allah.

KORINTUS 1 7:14 ပူးပေါင်းရင်းမြစ်များ

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

OUMAN IN RASUL MITA 10:23

Dá inoinídon i Petrus in mosia bo sinumuot kon bonu in baḷoi poḷat sinahangneapa bo pinoki siugandon kon tua. Nopoikoḷomai kon singgai, ki Petrus in nobangon bo minayá noyotakin monia takin tongonumai in intau inta mopirisaya.

SURAT I PAULUS KON JAMAAT RUM 11:16

Aka roti tobatú inta muna bo ain inogoi kon i Allah, yo tua in mangaḻenea bayongan roti tatua in inogoidon komintan kon i Allah doman. Bo aka uakat in pangkoinea kapunyaan i Allah, dá mangaḻenea kon tua, tanganea mita in kapunyaanbí doman mita i Allah.

KORINTUS 1 7:13

Bo aka oyúon doman in bobay Keresten kobuḷoi kon intau inta diá mopirisaya kon i Kristus, bo ki buḷoinea ḷoḷaki tatua in moibog mobiag moyotakinnea, yo diábí motaau gaatonnea in ki buḷoinea tatua.

TIMOTIUS 1 4:5

Sin kaanon mita tatua ain bidon binarakatan-Nea bo sinambayangan domandon naton.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!