KORINTUS 1 7:11 - Alkitab Singog In Mongondow Masa In Tanaa

¹¹ Tongá aka sinaḷáanneadon in ki buḷoinea ḷoḷaki, dá bobay tatua in donaai bidon mokipobuḷoi bui, andeka maní bui mamangoi kon i buḷoinea. Natua doman in ḷoḷaki. Diábí doman motaau in ḷoḷaki mogaat kon i buḷoinea.

KORINTUS 1 7:11 ပူးပေါင်းရင်းမြစ်များ

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

MATIUS 5:32

Táe Akuoi in moguman kon inimu: Pomuḷoi intau inta mogaat kon i buḷoinea koḻikudbí in nonuaḻing, yo siabí tua in nokopopisí kon i buḷoinea nonuaḻing, bo ki ine i motonibuḷoi takin bobay inta ain ginaat tua, yo sia doman noyotakin nonuaḻing.”

MARKUS 10:12

Ná doman tua, aka bobay mogaat kon i buḷoinea ḷoḷaki bo motonibuḷoi bui in ḷoḷaki ibanea, yo nonuaḻing doman in sia.”

MARKUS 10:2

Kon tua, oyúon doman in tongonumai intau in Parisi. Mosia namangoi doman sin motayak kon taḷá i Yesus. Dá mosia in noḻibó, “Podudui in agama naton, motaau degá intau in mogaat kon i buḷoinea?”

LUKAS 16:18

Pomuḷoi in intau inta mogaat kon i buḷoinea bobay bo bui mobuḷoi kon bobay ibanea, yo sia in nonuaḻing; bo ki ine in motonibuḷoi takin bobay tatua inta ain ginaat i buḷoinea ḷoḷaki, yo sia in nonuaḻingbí doman.”

KORINTUS 1 7:10

Kon i monia inta ain nobuḷoi, naa in parentaku: (Sabanarnea in deemanbí akuoi in nobogoi in parenta tanaa, táe ki Tuhanbí.) Tobatú bobay inta ain pinobuḷoi in donaaibí monaḷámai kon i buḷoinea ḷoḷaki.

KORINTUS 1 7:12

Bo tanaa in tongginaku kon intau mita ibanea mako, naa in tongginakubí tontaní, deemanbí i Tuhan, aka intau Keresten bo kobuḷoi kon bobay inta diá mopirisaya kon i Kristus, bo ki buḷoinea bobay tatua in moibog mobiag moyotakinnea, yo diábí motaaunea gaaton in ki buḷoinea bobay tatua.

ULANGAN 22:19

Mosia in musti doman mokidenda kon inia in doit mogatut in doit saḷaka bo mobogoi in doit tatua kon i nunutonnea sin sia ain nomoguyaat kon tangoi in bobay Israel tobatú. Bo bobay tatua in mustibí umuran mobaḻí ki buḷoinea, bo diábí motaau gaaton modapot in sia matoi.