KORINTUS 1 6:8 - Alkitab Singog In Mongondow Masa In Tanaa

⁸ Táe naaibí moiko in monombogá kon intau ibanea. Moikobí in mokorugi kon i monia. Bo modugangdon totok in diá mopia sin intau inta ain notobatú kon pirisaya pinopoaidan doman monimu!

KORINTUS 1 6:8 ပူးပေါင်းရင်းမြစ်များ

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 20:13

Ki tuang tatua in notubag kon tobatú intau inta kon sigad monia tua, ‘Utat, akuoi in diábí nonguboḷ kon inimu. Kita in munadon nositantúan kon tosinggai uboḻian todinar?

MARKUS 10:19

Tantú kinotaauanmu bidon in parenta i Allah tanaa, ‘Dika moḻimod, dika monuaḻing ande mokituaḻing, dika monakow, dika moposakusi in inta diá totuu bo dika monguboḷ, horomatbí in ki amá bo ki inámu.’ ”

KOLOSE 3:25

Bo ki inekabí in mogaid kon noitaḷá yo siabí in motanggung kon taḷánea mita tatua; sin diábí piḻían i Tuhan in intau.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.