KORINTUS 1 6:7 - Alkitab Singog In Mongondow Masa In Tanaa

⁷ Naaibí in tongá soaḷ mopongadu in pelekara kon intau inta deeman Keresten; sedangkan kon sigad monimu bo momuká in yogenggeng, yo mangaḻenea kon tua in tobatú bidon kelemahan monimu. Sin maníka bo tombogaan andeka porugion in tumpaḷa intau!

KORINTUS 1 6:7 ပူးပေါင်းရင်းမြစ်များ

AMSAL 2:5

Pongin natua dá kotaauanmudon onu in mangaḻe in motoguondok kon Tuhan bo kotaauanmudon totok in ki Allah.

AMSAL 20:22

Dikabí mopotuḻí in moraat kon inta moraat; popirisayadon kon i Tuhan, Siabí in motuḷung.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

LUKAS 19:8

Kon baḷoinea tatua, ki Zakheus sinimindog bo noguman kon i Tuhan, “Tuhan, kapunyaanku tobotak ogoikudon kon intau mita bogá bo aka oyúon doman in intau inta pernadon inuboḷanku, yo pobuionkudon bui kon inia koopat noguntuḷ in kobayongnea!”

LUKAS 6:29

Bo aka oyúon in intau monokap kon putongimu toḷosi, yo ogoi doman in putongimu toḷosi. Bo ki ine in mogagow kon jubahmu, yo ogoi doman in ḷambungmu.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.