KORINTUS 1 6:5 - Alkitab Singog In Mongondow Masa In Tanaa

⁵ Totok mokooyá uḻe! Umpaka yo beresidon diá in intau mobijaksana kon sigad monimu inta motaau mopoyotutui in soaḷ inta tongá natua mita inta mobaḻí kon sigad monimu intau in Keresten!

KORINTUS 1 6:5 ပူးပေါင်းရင်းမြစ်များ

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

OUMAN IN RASUL MITA 1:15

Kon singgai tobatú wakutu in mosia noyosipun, degá mogatutmai bodoyowá nopuḷú in intau, dá ki Petrus in sinimindog kon yua-yuak monia tua bo nosingog, kainia,

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

KORINTUS 1 11:14

Kinotaauan bidon naton komintan, kon aka ḷoḷaki bo buok moḷanggó yo diábí mopia.

KORINTUS 1 15:34

Mokoposadardon in tanaa, bo donaaidon mogaid kon inta diá mopia. Sabanarnea in bá mustibí mooyá in moiko sin kon sigad monimu oyúonpa in diá nonotaau kon i Allah.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

KORINTUS 1 4:10

Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

KORINTUS 1 4:14

Akuoi in nomais kon naa deemanbí makusud mokopooyámai kon i monimu, táe monongginabí kon i monimu saḷaku ki adíku mita.

KORINTUS 1 6:1

Nongonu sin oyúonbí in kon sigad monimu in mobarani mayá kon hakim inta diá nonotaau kon i Allah, bo mopongadu kon i utat monimu inta notobatú kon pirisaya, aka moyogenggeng i utatnea tatua? Nongonu sin diábí mayá kon intau inta mopirisaya kon i Allah bo paḷuton in pelekara tatua?

KORINTUS 1 6:4

Dá aka momuká in pelekara mita natua, umpaka yo pongaduon doman monimu kon intau mita inta diá nonotaau in yagi-yagi kon bonu in jamaat?

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.