KORINTUS 1 6:1 - Alkitab Singog In Mongondow Masa In Tanaa

¹ Nongonu sin oyúonbí in kon sigad monimu in mobarani mayá kon hakim inta diá nonotaau kon i Allah, bo mopongadu kon i utat monimu inta notobatú kon pirisaya, aka moyogenggeng i utatnea tatua? Nongonu sin diábí mayá kon intau inta mopirisaya kon i Allah bo paḷuton in pelekara tatua?

KORINTUS 1 6:1 ပူးပေါင်းရင်းမြစ်များ

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

OUMAN IN RASUL MITA 19:38

Aka ki Demetrius takin mogogaidnea mita bo mopongadu sin oyúon taḷá in intau tobatú, yo donaaibí mako in popongaduan monia kon pongadilan. Sin diábí ampagan in pomarenta bo pomarenta in tantúbí oyúon.

KORINTUS 1 14:33

Sin doíbí in ki Allah kon kobobiag intau motombauk. Koibog-Nea in kobobiagbí inta motompia. Ná inta nobaḻídon kon bayongan jamaat i Allah,

KORINTUS 1 16:1

Moiduduimai naa, soaḷ doit inta ogoi monimu posumbang kon intau mita Keresten. Anjuronku sinbá aidan monimu podudui in totundú inta pinogumanku kon jamaat mita inta kon Galatia.

KORINTUS 1 16:15

Tantú kinotaauan bidon monimu in ki Stepanus bo motoḷuadínea; mosia tua inta muna-munamai nobaḻí Keresten kon Akhaya. Mosia tua in totu-totuudon nogaid nobantung kon umat i Allah.

KORINTUS 1 5:12

Totuubí kon deemanbí oaidanku in mohakim kon intau deeman Keresten, tua in oaidanbí i Allah. Táe soaḷ in jamaat mita monimu, tantú moikobí in mohakim kon i monia. Sin kon bonu in Buk Motusi in pinais nanaa, “Buntunbí in intau mongoromú kon sigad monimu.”

KORINTUS 1 6:5

Totok mokooyá uḻe! Umpaka yo beresidon diá in intau mobijaksana kon sigad monimu inta motaau mopoyotutui in soaḷ inta tongá natua mita inta mobaḻí kon sigad monimu intau in Keresten!