KORINTUS 1 5:7 - Alkitab Singog In Mongondow Masa In Tanaa

⁷ Ḷumbúpa muna in ragi inta ain nokoyongan, ná inta oaid diá mopia, sinbá mopia in nanam in kukis tatua, diá noyobaui in ragi inta nokoyongandon, tuata in aid inta diá mopia inta umuran aidan monimu koḻipod, sin kinotaauankubí kon natuata in moiko. Tuamai mobasadiadon in kita morame kon singgai in Paska, bo ki Kristus inta nobaḻí domba in Paska naton aindon pinokuruban.

KORINTUS 1 5:7 ပူးပေါင်းရင်းမြစ်များ

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

MARKUS 14:12

Kon singgai dungkuḷ porayaan kon Roti Diá Koragi – wakutu in intau moratadon kon domba Paska – murí-Nea mita in noḻibó kon i Yesus, “Kon onda in koibog i Pak Guru posadiaan nami kon pongaanan kon singgai in Paska?”

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 1:36

Naonda inontongnea in ki Yesus noitaḻib, Sia in noguman: “Indoiai! Tuata in Adí Domba i Allah.”

YOHANES 19:14

Wakutu intua singgaidon pinobasadiaan kon poramean Paska, degá jam mopuḷúdon bo doyowa. Ki Pilatus nogumandon kon intau mita tatua, “Naa in datumu!”

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

KORINTUS 1 10:17

Sin tongábí tobatú in roti, bo kita komintan ain nokaan kon roti tatua. Dá umpaka nobayong in kita, táe tongábí tongoawakan monag.

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

WAHYU 5:12

Bo mosia in nodondong noropot nanaa, “Ki Adí in Domba inta ain iratá tatua, patusbí motarima kon kawasa, kaoyúonan, kabijaksanaan bo ropot; Sia in patusbí horomaton, poḷantudon bo dayo-dayowon!”