KORINTUS 1 5:6 - Alkitab Singog In Mongondow Masa In Tanaa

⁶ Moiko in diábí motaau in dumodia. Dinongogdon monimu degá in singog nanaa, “Ragi topiḻik mokokutad kon bayongan topong aidan kukis!”

KORINTUS 1 5:6 ပူးပေါင်းရင်းမြစ်များ

HOSEA 7:4

Mosia komintan momomaḻidawan bo intau inta diá motoindudui. Yaat in gina monia in naonda bo tuḷú kon bonu in doḷuong inta diá kinokaban i mogogaid kon roti kon tungkuḷ in kukis diápa noisadia tubáan.

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

LUKAS 13:21

Sia naonda bo ragi inta ginamá in tobatú bobay bo pinobauk kon topong opat nopuḷú noliter, bo kinaui nodapot in kinumutad komintan.”

SURAT I PAULUS KON JAMAAT RUM 6:16

Bá kotaauan monimu, kon aka moiko bo moposarakan in awakmu kon tobatú intau sin mogaid kon onu inta kinoibognea, yo moiko in mobaḻí bidon ata in intau inta dinuduian monimu tatua. Ata in dosa in modia kon i monimu mayá in popatoi, táe aka ata inta motoindudui kon i Allah yo tua in modiabí kon i monimu mayá in kobiagan.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

KORINTUS 1 3:21

Tuamai in dikabí moduí kon intau, sin bayongan yagi-yagi in nodait bidon inogoi kon i monimu.

KORINTUS 1 5:2

Umpaka nogaidon kon natua, táe umuranpabí doman in moiko dumodia. Sabanarnea in bá moajarbí in gina monimu, bo poḷatdon poḷuai in intau natua nongkon sigad monimu.

GALATIA 5:9

Nanaa kain singog in intau, “Ragi topiḻik nokokutad kon bayongan topong inta pomiaan kukis.”

TIMOTIUS 2 2:17

Singog monia tua in ḷumandai naonda bo panyaki kanker inta mokopatoi. Kon sigad monia tua in oyúondon in ki Himeneus bo ki Piletus.

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.